ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ଦିନକୁ ଦିନ ନୂଆନୂଆ ଘଟଣା ସାମ୍ନାକୁ ଆସୁଛି । ଗତକାଲି ବିଳମ୍ବିତ ରାତିରେ ଜିପିଆର ସର୍ଭେ ହୋଇଛି । ଓବିସିସିର ଚିଠି ପରେ ଗୁଜରାଟ ଆଇଆଇଟି ପକ୍ଷରୁ ଏହି ସର୍ଭେ କରାଯାଇଥିବା ଜଣାପଡ଼ିଛି । ତାହାଛଡ଼ା ଏମାର ମଠରେ ବି ସର୍ଭେ କରାଯାଇଥିବା ସୂଚନା ମିଳିଛି ।
ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ଦିନକୁ ଦିନ ରାଜ୍ୟ ରାଜନୀତି ସରଗରମ ହେଉଛି । ଶ୍ରୀମନ୍ଦିର ସୁରକ୍ଷାକୁ ନେଇ ଉଭୟ ଶାସକ ଓ ବିରୋଧୀ ମୁହାଁମୁହିଁ ହେଉଛନ୍ତି । ଏନେଇ ମାମଲା ହାଇକୋର୍ଟରେ ପହଞ୍ଚିଥିବା ବେଳେ କୋର୍ଟ ମଧ୍ୟ ତାଙ୍କ ରାୟ ଶୁଣାଇଛନ୍ତି । ପୂର୍ବରୁ ଲୋକସଭାରେ ନିୟମ ଅନୁଯାୟୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ହେଉନଥିବା ଅଭିଯୋଗ ଆଣିଥିଲେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ତାହା ସହ ସେ କହିଥିଲେ କି ଏହି କାର୍ଯ୍ୟକୁ ନିୟମ ଅନୁଯାୟୀ ରାଜ୍ୟ ସରକାର କରନ୍ତୁ । ଘଟଣାକୁ ନେଇ ଅପରାଜିତାଙ୍କୁ ଜବାବ ଦେଇଥିଲେ ପୁରୀ ସାଂସଦର ପିନାକୀ ମିଶ୍ର । ପିନାକୀଙ୍କ କହିବା ଅନୁଯାୟୀ ଏହି ସମସ୍ତ କାମ ନିୟମ ଅନୁଯାୟୀ ହେଉଛି । ହେଲେ ବର୍ତ୍ତମାନ ଘଟଣାକୁ ନେଇ ପ୍ରତ୍ୟେକ ଦିନ ନୂଆନୂଆ ତଥ୍ୟ ଅସୁଥିବା ଦେଖିବାକୁ ମିଳୁଛି ।
Comments are closed.