ପୁରୀ : ଶ୍ରୀମନ୍ଦିରରେ ଆଜି ଠାରୁ ପରୀକ୍ଷାମୂଳକ ଭାବେ ଧାଡ଼ି ଦର୍ଶନ ବ୍ୟବସ୍ଥା ଆରମ୍ଭ ହୋଇଛି। ମାତ୍ର ପ୍ରଥମ ଦିନରୁ ଏଥିରେ ବିଭ୍ରାଟ ଦେଖାଦେଇଛି। ଆଜି ଶ୍ରୀମନ୍ଦିରର ଦ୍ୱାର ଖୋଲା ହେବା ପରେ ଭକ୍ତମାନେ ଧାଡ଼ି ନ ମାନି ପୂର୍ବରୁ ଯେପରି ଦର୍ଶନ କରୁଥିଲେ, ସେହିପରି ମନ୍ଦିରରେ ପ୍ରବେଶ କରିଥିଲେ। ମହିଳାମାନେ ମଧ୍ୟ ଧାଡ଼ି ମାନି ନଥିଲେ।
ଧାଡ଼ି ବ୍ୟବସ୍ଥାକୁ ବିରୋଧ କରି ଶ୍ରୀଜଗନ୍ନାଥ ସେନାର କର୍ମୀ ଓ ମହିଳା ଭକ୍ତମାନେ ମତ ଦେଇଛନ୍ତି ଯେ, ଭିଡ଼ ଥିବା ବେଳେ ଧାଡ଼ି କରାଯିବା ଉଚିତ। ଭିଡ଼ ନଥିବା ବେଳେ ଏହି ବ୍ୟବସ୍ଥାର ଆବଶ୍ୟକତା ନାହିଁ।
ଧାଡ଼ି ଦର୍ଶନ ବ୍ୟବସ୍ଥାରେ ବିଭ୍ରାଟ ଯୋଗୁ ପୁରୀ ଜିଲାପାଳ ଜ୍ୟୋତିପ୍ରକାଶ ଦାସ ଅସନ୍ତୋଷ ପ୍ରକାଶ କରିଛନ୍ତି।