ଜେଲରୁ ବାହାରିଲେ ପୁଞ୍ଜିଲାଲ, ମା’ଙ୍କ ଶୁଦ୍ଧିକ୍ରିୟାରେ ଯୋଗଦେବେ

ବଲାଙ୍ଗୀର: ବହୁ ଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେର ଶୁକ୍ରବାର ଜେଲରୁ ବାହାରିଛନ୍ତି। ମା’ଙ୍କ ଶୁଦ୍ଧିକ୍ରିୟାରେ ଯୋଗଦେବା ଲାଗି ହାଇକୋର୍ଟ ତାଙ୍କୁ ୪ଦିନ ପାଇଁ ଅନ୍ତରୀଣ ଜାମିନ ପ୍ରଦାନ କରିଛନ୍ତି। ଏହା ପରେ ଶୁକ୍ରବାର ସେ ଜେଲରୁ ବାହାରି ନିଜ ଘରକୁ ଯାଇଛନ୍ତି। ଏହା ପୂର୍ବରୁ ଗତ ୧୨ ତାରିଖରେ ପୁଞ୍ଜିଲାଲଙ୍କୁ ଦିନିକିଆ ପାରୋଲ ମିଳିଥିଲା। ମା’ଙ୍କ ଅନ୍ତିମ ସଂସ୍କାରରେ ଯୋଗଦେବା ଲାଗି ତାଙ୍କୁ ଦିନକ ପାଇଁ ପୁଲିସ ହେପାଜତରେ ଜେଲରୁ ବାହାରକୁ ନିଆଯାଇଥିଲା। ବର୍ତ୍ତମାନ ଅନ୍ତରୀଣ ଜାମିନ ମିଳିଥିବାବେଳେ ତାଙ୍କ ଉପରେ ପୁଲିସ ପକ୍ଷରୁ କଡ଼ା ନଜର ରଖାଯିବ। ସାଦା ପୋଷାକରେ ପୁଲିସ ନିୟୋଜିତ ରହିବେ। ଅନ୍ୟପଟେ ଘଟଣାର ଅଭିଯୋଗକାରୀ ରବୀନ୍ଦ୍ର ସାହୁଙ୍କ ପରିବାରକୁ ପୁଲିସ ପକ୍ଷରୁ ସୁରକ୍ଷା ବ୍ୟବସ୍ଥା ଯୋଗାଇ ଦିଆଯିବ ବୋଲି ସୂଚନା ମିଳିଛି। ଏହି ସମୟରେ ସେ ଗଣମାଧ୍ୟମରେ କୌଣସି ପ୍ରତିକ୍ରିୟା ଦେଇପାରିବେ ନାହିଁ ବୋଲି ନି୍ର୍ଦେଶ ଦିଆଯାଇଛି।

Get real time updates directly on you device, subscribe now.