ବନ୍ଦାଳ ଗ୍ରାମରେ ପଞ୍ଜାବ ନ୍ୟାସନାଲ ବ୍ୟଙ୍କ ତରଫରୁ ଆତ୍ମନିର୍ଭର ଗ୍ରାମ ସମ୍ପର୍କ ଅଭିଯାନ  

ବାଙ୍କୀ : ବାଙ୍କୀ ଉପଖଣ୍ଡ ଅନ୍ତର୍ଗତ ବାଙ୍କୀ ବ୍ଲକର ବନ୍ଦାଳନ ଗ୍ରାମପଂଚାୟତରେ ପଞ୍ଜାବ ନ୍ୟାସନାଲ୍ ବ୍ୟାଙ୍କ ତରଫରୁ ଆତ୍ମ ନିର୍ଭର ଭାରତ ଗ୍ରାମ ସଂପର୍କ ଅଭିଯାନ ଅନୁଷ୍ଠିତ ହୋଇଯାଇଛି । ଗ୍ରାମାଞ୍ଚଳରେ ବସବାସ କରୁଥିବା ମହିଳାମାନଙ୍କୁ କିପରି କର୍ମ ନିଯୁକ୍ତି ଯୋଗାଇ ଦିଆଯିବା ସହିତ ସରଳ ଏବଂ ସୁବିଧାରେ କିପରି ଋଣ ଯୋଗାଇ ଦିଆଯାଇପାରିବ ସେ ସଂପର୍କରେ ବ୍ୟାଙ୍କ ତରଫରୁ ଆଲୋକପାତ କରାଯାଇଥିଲା । ଏହି କାର୍ଯ୍ୟକ୍ରମରେ ପଞ୍ଜାବ ନ୍ୟାସନାଲ ବ୍ୟାଙ୍କର ଶାଖା ପରିଚାଳକ ଅନ୍ତର୍ଯ୍ୟାମି ମିଶ୍ର , ସହ ଶାଖା ପରିଚାଳକ କୋନ୍ଦ୍ରା ପ୍ରକାଶ , ରୋହିତ ବେହେରା, ଗୋବିନ୍ଦ ସାହୁ, ସୁଗ୍ରୀବ ତରାଇ ଯୋଗଦେଇ କାର୍ଯ୍ୟକ୍ରମର ଅଭିମୁଖ୍ୟ ସଂପର୍କରେ ମହିଳାମାନଙ୍କୁ ବୁଝାଇଥିଲେ । ସମାଜ ସେବୀ ଲମ୍ବୋଧର ରାଉତ, ସରୋଜ ବେହେରାଙ୍କ ସମେତ ମା’ଦୁର୍ଗା ମହିଳା ସ୍ୱୟଂସହାୟକ ଗୋଷ୍ଠୀ, ମା’ମଙ୍ଗଳା ସ୍ୱୟଂସହାୟକ ଗୋଷ୍ଠୀ, ତ୍ରିନାଥ ସ୍ୱୟଂସହାୟକ ଗୋଷ୍ଠୀ, ଶନିଶ୍ଚର ସ୍ୱୟଂସହାୟକ ଗୋଷ୍ଠୀର ମହିଳାମାନେ ଉକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ ।

Comments
Loading...