ଉତ୍ତର ଭୁବନେଶ୍ୱର : ଶୂନଶାନ ପରିବେଶରେ ଚାଲିଛି ମା’ ଜଗତଜନନୀଙ୍କ ପୂଜାର୍ଚ୍ଚନା` ଶନିବାର ମୃଣ୍ମୟୀ ଦେବୀଙ୍କ ମହାଷ୍ଟମୀ ପୂଜା। ପୀଠରେ ମହାଷ୍ଟମୀ ପୂଜା ସରିଛି। ମା’ଙ୍କୁ ବଳି ଅର୍ପଣ କରାଯାଇଛି। ଶନିବାର ମୃଣ୍ମୟୀ ଦେବୀଙ୍କ ନିକଟରେ ପାଣିକଖାରୁ ବଳି ଅର୍ପଣ କରାଯିବାର ବିଧି ରହିଛି ବୋଲି ପୂଜକମାନେ କହିଛନ୍ତି। ଗତକାଲି ଜଗତଜନନୀ ମା’ ଦୁର୍ଗା ଧରାବତରଣ କରିସାରିଛନ୍ତି। ଶୁକ୍ରବାର ମା’ଙ୍କ ମହାସପ୍ତମୀ ପୂଜା ସରିଛି। କରୋନା ମହାମାରୀ ଯୋଗୁଁ ସାର୍ବଜନୀନ ଦୁର୍ଗାପୂଜାରେ ଭକ୍ତମାନେ ସାମିଲ ହୋଇନଥିବାରୁ ସହରର ସମସ୍ତ ପୂଜା ମଣ୍ଡପରେ ଖାଁ ଖାଁ ପରିବେଶ ବିରାଜମାନ କରିଛି। ବିଶେଷକରି ରସୁଲଗଡ଼, ଚକେଇସିହାଣୀ, ଗାଡ଼କଣ, ବରମୁଣ୍ଡା, ନୂଆପଲ୍ଲୀ, ସହିଦନଗର, ଝାରପଡ଼ା, ବମିଖାଲ, ଷ୍ଟେସନବଜାର, ଲକ୍ଷ୍ମୀସାଗର, ନୂଆପଲ୍ଲୀ ମହାବୀର କ୍ଲବ, ପୁରୁଣାଭୁବନେଶ୍ବର, ବଡ଼ଗଡ଼, ରେଲୱେ କଲୋନୀ, ପଳାଶୁଣୀ, ନହରକଣ୍ଟା, ପାଣ୍ଡରା, ଭିଏସ୍ଏସ୍ନଗର, ଡିଷ୍ଟ୍ରିକ୍ଟ ସେଣ୍ଟର, ଚନ୍ଦ୍ରଶେଖରପୁର, ଶୈଳଶ୍ରୀବିହାର, ପୁରୁଣା ଏଜି କଲୋନୀ, ଭୌମନଗର, ରବିଟକିଜ, ବଢ଼େଇବାଙ୍କ ଓ କୋରଡ଼କଣ୍ଟା ଅଞ୍ଚଳରେ ମା’ଙ୍କ ମୃଣ୍ମୟୀ ମୂର୍ତ୍ତି ମଣ୍ଡପରେ ଶୋଭା ପାଉଛନ୍ତି। ଅନୁକୂଳ ପାଗ ରହିଛି। କମିସନରେଟ ପୁଲିସ ପକ୍ଷରୁ ସମସ୍ତ ପୂଜା ମଣ୍ଡପରେ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
Comments are closed.