ନୂଆଦିଲ୍ଲୀ : ଉତ୍ତରପ୍ରଦେଶରେ ଗୋଟିଏ ସପ୍ତାହ ମଧ୍ୟରେ ଦୁଇ ଦୁଇଟି ଗଣଦୁଷ୍କର୍ମ ଘଟଣା ଘଟିବା ଏବଂ ଦୁଇଟି ଘଟଣାରେ ପୀଡିତାଙ୍କ ମୃତ୍ୟୁକୁ ନେଇ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ୟୁପି ସରକାରଙ୍କୁ ଟାର୍ଗେଟ କରିଛନ୍ତି। ପ୍ରିୟଙ୍କା ଟ୍ବିଟ କରି ଲେଖିଛନ୍ତି ବଳରାମପୁରରେ ହାଥରସ ଭଳି ପୁଣି ଏକ ଘଟଣା ସାମ୍ନାକୁ ଆସିଛି । ଗଣଦୁଷ୍ମର୍ମ ପରେ ଅଭିଯୁକ୍ତି ମାନେ ପୀଡ଼ିତାଙ୍କ ଗୋଡ ଓ ମେରୁଦଣ୍ଡ ଭାଙ୍ଗିଦେଇଛନ୍ତି । ଏପରି ପ୍ରତିଦିନ ୟୁପିରେ କିଛି ଘଟଣା ସାମ୍ନାକୁ ଆସୁଛି ଯାହା ଯୋଗୀ ଆଦିତ୍ୟନାଥ ସରକାରଙ୍କ ଆଇନ ଶୃଙ୍ଖଳା କିପରି କାର୍ଯ୍ୟ କରୁଛି ତାହା ଦର୍ଶାଉଛି । ଉତ୍ତରପ୍ରଦେଶରେ ବର୍ତ୍ତମାନ ଜଙ୍ଗଲରାଜ୍ ଚାଲିଛି ।
ଉତ୍ତରପ୍ରଦେଶ ସରକାର କେବଳ ଭାଷଣ ମାରୁଛନ୍ତି । ସରକାର ବୁଝିବା ଦରକାର ଭାଷଣରେ ରାଜ୍ୟର ଆଇନ ଶୃଙ୍ଖଳା ଚାଲେନି । ବର୍ତ୍ତମାନ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉତ୍ତରଦାୟିତ୍ଵର ସମୟ । ଜନସାଧାରଣ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପାଖରୁ ଉତ୍ତର ଆବଶ୍ୟକ କରନ୍ତି ଭାଷଣ ନୁହେଁ ବୋଲି କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ।
Comments are closed.