୨୩ କୋଟି ଭାରତୀୟଙ୍କୁ ଦାରିଦ୍ର୍ୟ ଭିତରକୁ ଠେଲି ଦେଇଛି ବିଜେପି ସରକାର – ପ୍ରିୟଙ୍କା ଗାନ୍ଧୀ
କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ କେନ୍ଦ୍ରର ବିଜେପି ସରକାରଙ୍କୁ ଦେଶର ୨୩ କୋଟି ଲୋକଙ୍କୁ ‘ଦାରିଦ୍ର୍ୟ’ ଭିତରକୁ ଠେଲି ଦେଇଥିବା ଅଭିଯୋଗ କରିଛନ୍ତି। ସେ କହିଛନ୍ତି, ଉତ୍ତରପ୍ରଦେଶରେ ଆୟ ଅଭିବୃଦ୍ଧି ମଧ୍ୟ ହ୍ରାସ ପାଇଛି। ସେ ହିନ୍ଦୀରେ ଏକ ଟୁଇଟ୍ରେ ଲେଖିଛନ୍ତି, କେନ୍ଦ୍ରର ବିଜେପି ସରକାର ଦେଶର ୨୩ କୋଟି ଲୋକଙ୍କୁ ଦାରିଦ୍ର୍ୟ ଭିତରକୁ ଠେଲି ଦେଇଛନ୍ତି। ଏହି ସରକାର ଅଧୀନରେ ଦେଶର ୯୭% ଲୋକଙ୍କର ଆୟ ହ୍ରାସ ପାଇଛି।
केंद्र की भाजपा सरकार ने देश के 23 करोड़ लोगों को गरीबी में ढकेल दिया और इस सरकार में देश के 97% लोगों की आय घट गई।
भाजपा सरकार में उप्र में प्रति व्यक्ति आय बढ़ने की दर आधी से भी कम हो गई।
बस भाजपा का झूठा प्रचार दिन दूनी, रात चौगुनी तरक्की कर रहा है। pic.twitter.com/bk1a2wkYZz
— Priyanka Gandhi Vadra (@priyankagandhi) September 24, 2021
୨୦୨୨ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶରେ କଂଗ୍ରେସ ଦଳକୁ ମଜବୁତ କରିବା ପାଇଁ ସବୁମତେ ଚେଷ୍ଟା କରୁଥିବା ବରିଷ୍ଠ କଂଗ୍ରେସ ନେତା ପ୍ରିୟଙ୍କା କହିଛନ୍ତି ଯେ ବିଜେପି ସରକାରଙ୍କ ଅଧୀନରେ ଉତ୍ତରପ୍ରଦେଶରେ ମୁଣ୍ଡପିଛା ଆୟ ଅଧାରୁ ଅଧିକ ହ୍ରାସ ପାଇଛି। ସେ ରିଜର୍ଭ ବ୍ୟାଙ୍କ ଆକଳନ ଉପସ୍ଥାପନ କରି କହିଛନ୍ତି ଯେ, ୨୦୧୩ରୁ ୨୦୧୭ ମଧ୍ୟରେ ଉତ୍ତରପ୍ରଦେଶରେ ମୁଣ୍ଡପିଛା ଆୟ ଅଭିବୃଦ୍ଧି ହାର ପାଞ୍ଚ ପ୍ରତିଶତ ଥିଲା। ୨୦୧୮-୨୦୨୦ ମଧ୍ୟରେ ଏହା ତିନି ପ୍ରତିଶତକୁ ଖସି ଆସିଛି ଏବଂ ପୂର୍ବାନୁମାନ ଅନୁଯାୟୀ ଏହା ୨୦୧୮-୨୦୨୨ ମଧ୍ୟରେ ୧.୮ ପ୍ରତିଶତକୁ ହ୍ରାସ ହେବାର ସମ୍ଭାବନା ରହିଛି, ଯାହା ଜାତୀୟ ହାରାହାରି ଠାରୁ ୨.୭ ପ୍ରତିଶତରୁ କମ୍ ଅଟେ।
Comments are closed.