ଖୋର୍ଦ୍ଧା: କୋଭିଡ କଟକଣା ଉଲଘଂନ କରୁଥିବା ବିଭିନ୍ନ ଘରୋଇ ଚିକିତ୍ସାନୁଷ୍ଠାନ ଉପରେ ମଙ୍ଗଳବାର ଖୋର୍ଦ୍ଧା ଜିଲାପ୍ରଶାସନ ପକ୍ଷରୁ ଚଢାଉ କରାଯାଇଛି। ଗୋଟିଏ ଘରୋଇ ଡାକ୍ତରଖାନା ଓ ଏକ ଅଲଟ୍ରାସାଉଣ୍ଡ କ୍ଲିନିକକୁ ସିଲ କରାଯାଇଛି। ଘରୋଇ ଡାକ୍ତରଖାନାରେ କିଭଳି କୋଭିଡ ନିୟମ ପାଳନ କରାଯାଉଛି ଆଜି ମାଜିଷ୍ଟ୍ରେଟଙ୍କ ଉପସ୍ଥିତିରେ ସ୍ୱାସ୍ଥ୍ୟବିଭାଗ ପକ୍ଷରୁ ଚଢାଉ କରାଯାଇଥିଲା। ଏହି ଟିମରେ ଡେପୁଟି କଲେକ୍ଟର ଲୋପାମୁଦ୍ରା ସାହୁ,ପୈାର ପରିଷଦ ନିର୍ବାହୀ ଅଧିକାରୀ ଶ୍ୱେତପଦ୍ମା ଡ.ଶତପଥି,ଜିଲା ଅତିରିକ୍ତ ସ୍ୱାସ୍ଥ୍ୟଧିକାରୀ ଡ.ରଘୁନାଥ ନାୟକ,ନୋଡାଲ ଅଫିସର ଡା ଏସ.ପି ମିତ୍ର ଏକ ସେକ୍ସନ ପୁଲିସ ଫୋର୍ସ ସାମିଲ ଥିଲେ। କୋଭିଡ ନିୟମ ଉଲ୍ଲଘଂନ ଅଭିେଯାଗରେ ନନ୍ଦିଘୋଷ ହସପିଟାଲକୁ ୧୫ ଦିନ ପାଇଁ ସିଲ କରିବା ସହ ୫୦ ହଜାର ଟଙ୍କା ଜୋରିମାନା କରାଯାଇଛି।
ଏହି ହସପିଟାଲକୁ ଚଳିତ ମାସ ୪ ତାରିଖରେ ପୂର୍ବରୁ ରେଡ କରାଯାଇଥିଲା। ସେତେବେଳେ ୧୫ ଦିନ ପାଇଁ ବନ୍ଦ କରାଯାଇଥିଲା। ତେବେ ଆଜି ବାହାରେ ତାଲା ଝୁଲୁଥିବା ବେଳେ ଭିତରେ ରୋଗୀଙ୍କ ଚିକିତ୍ସା କରାଯାଉଥିବା ଟିମ ଜାଣିବାକୁ ପାଇଥିଲା। ସେହିପରି ଜୀବନ ରେଖା ଅଟ୍ରାସାଉଣ୍ଡ କ୍ଲିନିକକୁ ସାତଦିନ ପାଇଁ ବନ୍ଦ କରାଯାଇଛି। ପାର୍କଲାଣ୍ଡ କ୍ଲିନକ ଉପରେ ୧୦ହଜାର ଟଙ୍କା ଜୋରିମାନା ମଧ୍ୟ କରାଯାଇଛି।
Comments are closed.