ନୂଆଦିଲ୍ଲୀ : ଭାରତରେ ଖୁବ୍ ଶୀଘ୍ର ଘରୋଇ ବିମାନ ଚଳାଚଳ କରିବ। ଏଥିପାଇଁ ଯାତ୍ରୀଙ୍କ ନିମନ୍ତେ ସ୍ବତନ୍ତ୍ର ନିର୍ଦେଶାବଳୀ ଜାରି କରାଯାଇଛି। କରୋନା ଭୂତାଣୁ ସଂକ୍ରମଣକୁ ଦୃଷ୍ଟିରେ ରଖି ଏୟାର୍ପୋର୍ଟ ଅଥରିଟି ଅଫ୍ ଇଣ୍ଡିଆ(ଏଏଆଇ) ପକ୍ଷରୁ ଏହି ନିର୍ଦେଶାନାମା ଜାରି କରାଯାଇଛି। ଯେଉଁଯାତ୍ରୀମାନେ ଘରୋଇ ବିମାନରେ ଯାତ୍ରା କରିବେ ସେମାନଙ୍କ ଲାଗି ପଞ୍ଜୀକରଣ କରିବା ବାଧ୍ୟତାମୂଳକ କରାଯାଇଛି। ଏଥିପାଇଁ ଏଏଆଇ ପକ୍ଷରୁ ପ୍ରସ୍ତୁତ କରାଯାଇଥିବା ଏକ କଣ୍ଟାକ୍ ଟ୍ରେସିଂ ମୋବାଇଲ୍ ଆପ୍ଲିକେସନ୍ରେ ଯାତ୍ରୀମାନଙ୍କୁ ସେମାନଙ୍କ ନାମ ପଞ୍ଜୀକରଣ କରିବାକୁ ପଡ଼ିବ। ଘରୋଇ ବିମାନରେ ଯାତ୍ରା ସମୟରେ ଯାତ୍ରୀମାନଙ୍କୁ ଏକ ମାସ୍କ ପିନ୍ଧିବା ସହିତ ସାଙ୍ଗରେ ସାନିଟାଇଜେସନ୍ ଆଣିବାକୁ ବାଧ୍ୟତାମୂଳକ କରାଯାଇଛି। ଏହାସହିତ ଆବଶ୍ୟକ କାଗଜାତ ସମେତ ଆରୋଗ୍ୟ ସେତୁ ଡାଉନ୍ଲୋଡ୍ କରିଥିବା ପ୍ରମାଣ ମଧ୍ୟ ଦେଖାଇବାକୁ ହେବ ବୋଲି ଏଏଆଇ ପକ୍ଷରୁ ଟ୍ବିଟ୍ ଯୋଗେ ସୂଚନା ଦିଆଯାଇଛି।
Comments are closed.