ସମାଜ ପୋର୍ଟାଲ ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଏମ୍ ଗରିବ କଲ୍ୟାଣ ଯୋଜନା ଯେଭଳି ହିତାଧିକାରୀମାନଙ୍କ ପାଖରେ ପହଞ୍ଚି ପାରିବ, ତାହା ନିଶ୍ଚିତ କରିବା ଓ ଏହି କାର୍ଯ୍ୟର ଲଗାତାର ତଦାରଖ କରିବା ପ୍ରତି ଗୁରୁତ୍ୱାରୋପ କରିଛନ୍ତି। ସେ କହିଛନ୍ତି ଅତ୍ୟାବଶ୍ୟକ ଔଷଧପତ୍ର ଓ ସୁରକ୍ଷା ସରଞ୍ଜାମ ଯେଭଳି ନିର୍ଦ୍ଧାରିତ ସମୟରେ ଉତ୍ପାଦିତ ହୋଇପାରିବ, ତାହାର ତଦାରଖ କରାଯିବା ଆବଶ୍ୟକ। ସରକାରଙ୍କର ବହୁ ମନ୍ତ୍ରୀ #9pm9minuteର ପ୍ରଶଂସା କରି ଦେଶର ପ୍ରତ୍ୟେକ ଭାଗରେ ଲୋକମାନେ ଏହାକୁ ପାଳନ କରିଥିବାର କହିଛନ୍ତି।
ଦେଶାନ୍ତରିତ ଶ୍ରମିକମାନେ ସମ୍ମୁଖୀନ ହେଉଥିବା ଅସୁବିଧାର ମୁକାବିଲା, ସାମାଜିକ ଗଣମାଧ୍ୟମର ଅପବ୍ୟବହାରକୁ ରୋକିବା, ଅତ୍ୟାବଶ୍ୟକ ସାମଗ୍ରୀଗୁଡ଼ିକର ଯୋଗାଣ ଓ ଆଗରେ ରହି କାର୍ଯ୍ୟ କରୁଥିବା କର୍ମୀମାନଙ୍କ ସମସ୍ୟା ଆଦିର ମୁକାବିଲା କ୍ଷେତ୍ରରେ ପ୍ରଧାନମନ୍ତ୍ରୀଙ୍କ ଉଦ୍ୟମର ସେମାନେ ପ୍ରଶଂସା କରିଛନ୍ତି। ଆମ ସମ୍ବାଦଦାତା ଜଣାଇଛନ୍ତି, ଦେଶରେ ସୃଷ୍ଟି ହୋଇଥିବା ଏହି ଚ୍ୟାଲେଞ୍ଜର ମୁକାବିଲା କ୍ଷେତ୍ରରେ ନିଆଯାଇଥିବା ପଦକ୍ଷେପଗୁଡ଼ିକ ସଂକ୍ରାନ୍ତରେ ସରକାରୀ କର୍ମକର୍ତ୍ତାମାନେ ବିସ୍ତୃତ ବିବରଣୀ ପ୍ରଦାନ କରୁଛନ୍ତି।
Comments are closed.