୧୬ରେ କରୋନା ଟୀକାକରଣ ଅଭିଯାନର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ : ଲଞ୍ଚ ହେବ କୋ-ୱିନ୍ ଆପ୍

ନୂଆଦିଲ୍ଲୀ : କରୋନା ବିରୋଧରେ ଚାଲିଥିବା ଲଢେଇ ଜିତିବାକୁ ଭାରତ ସଂମ୍ପୂର୍ଣ୍ଣ ଭାବେ ପ୍ରସ୍ତୁତ ଅଛି। ଜାନୁଆରୀ ୧୬ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶରେ କରୋନା ଭୁତାଣୁ ବିରୋଧରେ ଟୀକାକରଣର ମହା ଅଭିଯାନର ଶୁଭାରମ୍ଭ କରିବେ। ଏହା ସହିତ ପ୍ରଧାନମନ୍ତ୍ରୀ ମୋଦୀ କୋ-ୱିନ୍ ଆପ୍ ମଧ୍ୟ ଲଞ୍ଚ କରିବେ। ଟୀକାକରଣ ଅଭିଯାନ ପୂର୍ବରୁ ସମସ୍ତ ପ୍ରସ୍ତୁତି ପ୍ରାୟ ଶେଷ ହୋଇଛି। କରୋନା ଟୀକା ଦେଶର ବିଭିନ୍ନ କେନ୍ଦ୍ରରେ ପହଞ୍ଚିଛି।

କରୋନା ବିରୋଧରେ ଟୀକାକରଣ କାର୍ଯ୍ୟକ୍ରମ ଜାନୁଆରୀ ୧୬ ଶନିବାର ଠାରୁ ଆରମ୍ଭ ହେବ। ଏହା କରୋନା ବିରୋଧରେ ହେଉଛି ବିଶ୍ୱର ସର୍ବବୃହତ ଟୀକାକରଣ ଅଭିଯାନ। ସୂଚନା ଅନୁସାରେ, ପ୍ରଧାନମନ୍ତ୍ରୀ ମୋଦୀ କରୋନା ଟୀକାକରଣ ଅଭିଯାନର କାର୍ଯ୍ୟକ୍ରମରେ ଭର୍ଚୁଆଲ ମାଧ୍ୟମରେ ଅଂଶଗ୍ରହଣ କରିବେ ଏବଂ ଦେଶକୁ କରୋନା ଟିକା ଉତ୍ସର୍ଗ କରିବେ। ଭାରତରେ ପୁଣେର ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ, ‘କୋଭିସିଲ୍ଡ’ ଏବଂ ଭାରତ ବାୟୋଟେକ୍ ‘କୋଭାକ୍ସିନ୍’ ସମେତ ଦୁଇଟି କରୋନା ଟିକାକୁ ଅନୁମୋଦନ କରାଯାଇଛି। ଏହା ବ୍ୟତୀତ ଦେଶରେ ଆଉ ଚାରୋଟି ଟିକା ଅନୁମୋଦନ ପାଇଁ ଅଛି । ପ୍ରଥମ ପର୍ଯ୍ୟାୟରେ ମଙ୍ଗଳବାର କୋଭିସିଲ୍ଡ ଟିକା ଦେଶର ବିଭିନ୍ନ ସ୍ଥାନରେ ପହଞ୍ଚିଛି। ଏଥି ସହିତ, ଭାରତ ବାୟୋଟେକର ‘କୋଭାକ୍ସିନ୍’ର ପ୍ରଥମ ପରିବହନ ଆଜି ଦିଲ୍ଲୀ ସମେତ ଦେଶର ବିଭିନ୍ନ ସ୍ଥାନରେ ପହଞ୍ଚିଛି।

ଏହି ଲୋକଙ୍କୁ ଦିଆଯିବ କରୋନା ଟିକା
ଲୋକଙ୍କୁ ପ୍ରାଥମିକତା ଭିତ୍ତିରେ କରୋନା ଟିକା ଦିଆଯିବ । ପ୍ରଥମ ପର୍ୟ୍ୟାୟରେ ପ୍ରାୟ ୩ କୋଟି ଲୋକଙ୍କୁ ଟୀକାକରଣ କରାଯିବ, ସର୍ବପ୍ରଥମେ ସ୍ୱାସ୍ଥ୍ୟ କର୍ମୀମାନଙ୍କୁ କରୋନା ଟିକା ଦିଆଯିବ। ସ୍ୱାସ୍ଥ୍ୟ କର୍ମୀଙ୍କୁ କୋଭିସିଲ୍ଡର ଏକ ଡୋଜ ଦିଆଯିବ। ଏହା ପରେ ଆଗଧାଡିର ଯୋଦ୍ଧା, ୫୦ ବର୍ଷରୁ ଅଧିକ ବୟସର ଲୋକ ଏବଂ ଗୁରୁତର ରୋଗରେ ଆକ୍ରାନ୍ତ ଲୋକଙ୍କୁ ଟିକା ଦିଆଯିବ। ରାଜଧାନୀ ଦିଲ୍ଲୀର ଲୋକନାରାୟଣ ଜୟ ପ୍ରକାଶ ହସ୍ପିଟାଲରେ କରୋନା ଟୀକାକରଣ ଆରମ୍ଭ ହେବ।

ମୋଦୀଙ୍କ କଡ଼ା ଚେତାବନୀ

ଟୀକାକରଣ ଅଭିଯାନ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ସ୍ପଷ୍ଟ କରିଛନ୍ତି ଯେ ପ୍ରଥମ ପର୍ଯ୍ୟାୟରେ ଟୀକାକରଣ ହୋଇଥିବା ତିନି କୋଟି ଲୋକଙ୍କ ମଧ୍ୟରେ ସ୍ୱାସ୍ଥ୍ୟ କର୍ମୀ ଏବଂ ଆଗଧାଡିର କର୍ମଚାରୀ ମଧ୍ୟ ଅଛନ୍ତି। ଜନ ପ୍ରତିନିଧୀଙ୍କ ସମେତ କେହି ମଧ୍ୟ ଏଥିରେ ସାମିଲ ହେବା ପାଇଁ ଚେଷ୍ଟା କରିବା ଉଚିତ୍ ନୁହେଁ । ସମସ୍ତ ସାଂସଦ ଏବଂ ବିଧାୟକଙ୍କୁ ଟିକାଦେବା ପ୍ରସ୍ତାବକୁ ମୋଦୀ ଅଗ୍ରାହ୍ୟ କରି କହିଛନ୍ତି । ସେ କହିଛନ୍ତି ଯେ ଏହା ଲୋକଙ୍କୁ ବହୁତ ଖରାପ ସଙ୍କେତ ଦେବ।

ସଫଳ ଟୀକାକରଣ ନିଶ୍ଚିତ କରିବାକୁ ଏବଂ ଟିକା ବିଷୟରେ କୌ ଣସି ଗୁଜବ ପ୍ରଚାର ନକରିବାକୁ ପ୍ରଧାନମନ୍ତ୍ରୀ ମୋଦୀ ମୁଖ୍ୟମନ୍ତ୍ରୀ ମାନଙ୍କୁ କହିଛନ୍ତି। ଦେଶ ତଥା ବିଶ୍ବର ଅନେକ ସ୍ୱାର୍ଥପର ତତ୍ତ୍ବ ଆମର ଅଭିଯାନରେ ବାଧା ସୃଷ୍ଟି କରିବେ।  ଏହିପରି ପ୍ରତ୍ୟେକ ପ୍ରୟାସକୁ ପ୍ରତିହତ କରିବାକୁ ପଡ଼ିବ।