ଆତଙ୍କବାଦୀ କାର୍ଯ୍ୟକଳାପକୁ ପଣ୍ଡ କରିଥିବାରୁ ସୁରକ୍ଷା ବଳକୁ ଧନ୍ୟବାଦ ଜଣାଇଲେ ପ୍ରଧାନମନ୍ତ୍ରୀ ମୋଦୀ

ଜମ୍ମୁ ଓ କଶ୍ମୀରରେ ଆତଙ୍କବାଦୀ ସଂଗଠନ ଜୈଶ–ଇ-ମହମ୍ମଦ ପକ୍ଷରୁ ସଂଗଠିତ ଆତଙ୍କବାଦୀ କାର୍ଯ୍ୟକଳାପକୁ ପଣ୍ଡ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁରକ୍ଷା ବଳକୁ ଧନ୍ୟବାଦ ଜଣାଇଛନ୍ତି। ଏହି ଆତଙ୍କବାଦୀ ସଂଗଠନ ପକ୍ଷରୁ ତୃଣମୂଳ ସ୍ତରରେ ହେଉଥିବା ଗଣତାନ୍ତ୍ରିକ କାର୍ଯ୍ୟକଳାପକୁ ରୋକିବା ପାଇଁ ଚେଷ୍ଟା କରାଯାଉଥିଲା। ଟ୍ଵିଟ ଯୋଗେ ପ୍ରଧାନମନ୍ତ୍ରୀ ଜଣାଇଛନ୍ତି ଯେ, ପାକିସ୍ତାନସ୍ଥିତ ଜୈଶ–ଇ-ମହମ୍ମଦ ସଂଗଠନର ୪ ଜଣ ଆତଙ୍କବାଦୀଙ୍କୁ ନିପାତ କରି ବିପୁଳ ଅସ୍ତ୍ରଶସ୍ତ୍ର ଓ ବିସ୍ପୋରକ ସାମଗ୍ରୀ ଜବତ କରିବା ଘଟଣା ଏକ ବିଧ୍ବଂଶକାରୀ ଉଦ୍ୟମକୁ ପ୍ରତିହତ କରାଯାଇଥିବା ସୂଚନା ଦେଉଛି।

Our security forces have once again displayed utmost bravery and professionalism. Thanks to their alertness, they have defeated a nefarious plot to target grassroots level democratic exercises in Jammu and Kashmir.

— Narendra Modi (@narendramodi) November 20, 2020

ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ, ଆମର ସୁରକ୍ଷା ବଳ ପୁଣି ଥରେ ଅସାଧାରଣ ସାହାସିକତା ଓ ବୃତ୍ତିଗତ ଦକ୍ଷତା ପ୍ରଦର୍ଶନ କରିଛନ୍ତି। ସେମାନଙ୍କ ସତର୍କତା ଯୋଗୁଁ ସେମାନେ ଜମ୍ମୁ ଓ କଶ୍ମୀରରେ ତୃଣମୂଳ ସ୍ତରରେ ଗଣତାନ୍ତ୍ରିକ ପଦ୍ଧତିକୁ କ୍ଷତି ପହଞ୍ଚାଉଥିବା ଚକ୍ରାନ୍ତକୁ ପ୍ରତିହତ କରିଛନ୍ତି।

Neutralising of 4 terrorists belonging to Pakistan-based terrorist organisation Jaish-e-Mohammed and the presence of large cache of weapons and explosives with them indicates that their efforts to wreak major havoc and destruction have once again been thwarted.

— Narendra Modi (@narendramodi) November 20, 2020