ସ୍ୱାସ୍ଥ୍ୟକର୍ମୀଙ୍କୁ ଆକ୍ରମଣ କଲେ ହେବ ୭ ବର୍ଷ ଜେଲ, ଅଧ୍ୟାଦେଶକୁ ମିଳିଲା ରାଷ୍ଟ୍ରପତିଙ୍କ ଅନୁମୋଦନ

ନୂଆଦିଲ୍ଲୀ :  ରାଷ୍ଟ୍ରପତି ରାମନାଥ କୋବିନ୍ଦ କରୋନା ଭାଇରସ ମହାମାରୀ ସହ ଲଢ଼େଇ ଜାରି ରଖିଥିବା ସ୍ବାସ୍ଥ୍ୟକର୍ମୀଙ୍କୁ ଆକ୍ରମଣ କରୁଥିବା ଅଭିଯୁକ୍ତଙ୍କ ବିରୋଧରେ ନିଆଯାଇଥିବା କଡ଼ା କାର୍ଯ୍ୟାନୁଷ୍ଠାନ ଅଧ୍ୟାଦେଶକୁ ଅନୁମୋଦନ ପ୍ରଦାନ କରିଛନ୍ତି । ମହାମାରୀ ଆଇନ ୧୮୯୭ରେ ସଂଶୋଧନ କରି ଏହି ଆଧ୍ୟାଦେଶରେ ସ୍ୱାସ୍ଥ୍ୟକର୍ମୀଙ୍କ ପହଞ୍ଚିଥିବା ଯନ୍ତ୍ରଣା, କ୍ଷତି ଓ ନଷ୍ଟ କରବା ପାଇଁ କ୍ଷତିପୂରଣ ବ୍ୟବସ୍ଥା କରାଯାଇଛି

President Ram Nath Kovind has approved to promulgate The Epidemic Diseases (Amendment) Ordinance, 2020 which provides stricter punishments for attacks against health workers. pic.twitter.com/6lyzFVv38P

— ANI (@ANI) April 23, 2020

ରାଷ୍ଟ୍ରପତି ରାମନାଥ କୋବିନ୍ଦ ଗୁରୁବାର  କରୋନା ଜୀବାଣୁ ସହ ଲଢେଇ କରୁଥିବା ସ୍ୱାସ୍ଥ୍ୟ କର୍ମଚାରୀଙ୍କ ଉପରେ ଆକ୍ରମଣର ପୃଷ୍ଠଭୂମିରେ ମହାମାରୀ ରୋଗ (ସଂଶୋଧନ) ଆଇନ, ୨୦୨୦ କାର୍ଯ୍ୟକାରୀ କରିବାକୁ ଅନୁମୋଦନ କରିଛନ୍ତି। ଯାହା ଅଧୀନରେ ବର୍ତ୍ତମାନ ଯେଉଁମାନେ ସ୍ୱାସ୍ଥ୍ୟ କର୍ମୀଙ୍କୁ ଆକ୍ରମଣ କରନ୍ତି ସେମାନଙ୍କୁ କଠୋର ଦଣ୍ଡ ଦିଆଯିବ। ଏହା ବର୍ତ୍ତମାନ ଜାମିନ ବିହୀନ ଅପରାଧରେ ପରିଣତ ହୋଇଛି। ମହାମାରୀ ରୋଗ ଅଧିନିୟମ ଅନୁଯାୟୀ ସ୍ୱାସ୍ଥ୍ୟ କର୍ମଚାରୀଙ୍କ ଆଘାତ ତଥା ସମ୍ପତ୍ତି ନଷ୍ଟ କିମ୍ବା କ୍ଷତି ପାଇଁ କ୍ଷତିପୂରଣ ପ୍ରଦାନ କରାଯିବ ।

ଆଧ୍ୟାଦେଶ ଅନୁସାରେ ସ୍ୱାସ୍ଥ୍ୟକର୍ମୀଙ୍କ ଉପରେ ଆକ୍ରମଣ କରିବା ଅଥବା ଅସହଯୋଗ କଲେ ୩ ମାସରୁ ୫ ବର୍ଷ ଯାଏଁ ଜେଲ ଦଣ୍ଡ ଓ ୫୦ ହଜାର ଠାରୁ ୨ ଲକ୍ଷ ଟଙ୍କା ପର୍ୟ୍ୟନ୍ତ ଜରିମାନା ହୋଇପାରେ । ଶକ୍ତ ଆଘାତ ହେଲେ ଅପରାଧୀଙ୍କୁ ୬ ମାସରୁ ୭ ବର୍ଷ ଯାଏଁ ଜେଲ ହୋଇପାରେ । ଏଥି ସହିତ ୫ ଲକ୍ଷ ଟଙ୍କା ଜରିମାନା ହେବ । ଏତଦ ବ୍ୟତୀତ ଅପରାଧୀଙ୍କୁ ପୀଡ଼ିତଙ୍କୁ କ୍ଷତିପୂରଣ ଦେବାକୁ ପଡ଼ିବ ଏବଂ ସଂପତ୍ତି କ୍ଷତିପୂରଣ ପାଇଁ ବଜାର ମୂଲ୍ୟର ଦୁଇ ଗୁଣ ଦେବାକୁ ପଡ଼ିବ ।
ଏହାପୂର୍ବରୁ ବୁଧବାର କେନ୍ଦ୍ର କ୍ୟାବିନେଟ ଏହି ନିୟମକୁ ଅନୁମୋଦନ କରିଥିଲା । ଯେଉଁଥିରେ ସ୍ୱାସ୍ଥ୍ୟ କର୍ମଚାରୀଙ୍କ ପ୍ରତି ହିଂସା ଏକ ଜଣାଶୁଣା ଏବଂ ଜାମିନହୀନ ଅପରାଧ ହୋଇଛି ।