ଜଣେ ଗର୍ଭବତୀଙ୍କ ସମେତ ୩ ସଂକ୍ରମିତ

ପିପିଲି : ପିପିଲି ଅଞ୍ଚଳରେ ବୁଧବାର ଜଣେ ଗର୍ଭବତୀ ମହିଳାଙ୍କ ସମେତ ୨ଜଣ ପୁରୁଷ କରୋନା ପଜିଟିଭ୍‍ ଚିହ୍ନଟ ହୋଇଛନ୍ତି। ପିପିଲି ପୌରାଞ୍ଚଳର ଜଣେ ୨୧ ବର୍ଷିୟା ଗର୍ଭବତୀ ମହିଳା କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସେ ଗତ ୩୧ ତାରିଖରେ କୋଭିଡ୍‍ ପରୀକ୍ଷା ପାଇଁ ନିଜର ସ୍ୱାବ୍‍ ଦେଇଥିବା ବେଳେ ଆଜି ରିପୋର୍ଟ ପଜିଟିଭ୍‍ ଆସିଥିଲା। ସେହିପରି କୁଳଶିଖରପାଟଣା ପଞ୍ଚାୟତର ଏକ ଗ୍ରାମର ଜଣେ ୩୬ବର୍ଷିୟ ଯୁବକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସେ କିଛିଦିନ ହେବ ଅସୁସ୍ଥ ଅନୁଭବ କରୁଥିବା ବେଳେ ଗତ ୩୧ ତାରିଖରେ ତାଙ୍କର କୋଭିଡ୍‍ ପରୀକ୍ଷା ପାଇଁ ସ୍ୱାବ୍‍ ସଂଗ୍ରହ କରାଯାଇଥିଲା। ଆଜି ରିପୋର୍ଟ ପଜିଟିଭ୍‍ ଆସିବା ପରେ ତାଙ୍କୁ ନିମାପଡା ସ୍ଥିତି କୋଭିଡ୍‍ କେୟାର ସେଣ୍ଟରରେ ଭର୍ତ୍ତି କରାଯାଇ ଚିକିତ୍ସା କରାଯାଉଥିବା ସୂଚନା ମିଳିଛି। ସେହିପରି ସଁପୁର ପଞ୍ଚାୟତର ଏକ ଗ୍ରାମର ଜଣେ ୨୬ ବର୍ଷିୟ ଯୁବକ କଟକ ବଡଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ବେଳେ ଗତକାଲି ତାଙ୍କର କୋଭିଡ୍‍ ପରୀକ୍ଷା କରାଯାଇଥିଲା। ରିପୋର୍ଟ ପଜିଟିଭ୍‍ ଆସିବା ପରେ ସେଠାରୁ ତାଙ୍କୁ କୋଭିଡ୍‍ ହସ୍‍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଥିବା ସୂଚନା ମିଳିଛି। ଏହି ୩ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ ଚାଲିଥିବା ବେଳେ ସେମାନଙ୍କ ସଂସ୍ପର୍ଶରେ ଆସିଥିବା ପ୍ରତ୍ୟେକ ବ୍ୟକ୍ତିଙ୍କ କୋଭିଡ୍‍ ପରୀକ୍ଷା କରାଯିବ ବୋଲି ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

Comments are closed.