ପୁଣି ଖଟିଆରେ ବୁହା ହେଲେ ପ୍ରସୂତି, ଖୋଲା ଆକାଶ ତଳେ ପ୍ରସବ ହେଲା ଶିଶୁ ପୁତ୍ର

0

ଝରିଗାଁ.-    ନବରଙ୍ଗପୁର ଝରିଗାଁରେ ଆମ୍ବୁଲାନ୍ସ୍‌ ଯାଇ ନପାରିବାରୁ ଜଣେ ଗର୍ଭବତୀଙ୍କୁ ଖଟିଆରେ ବୁହାଯାଇଛି ।   ଝରିଗାଁ ବ୍ଲକର ଫୁପଗାଁର  ଚମା ସାନ୍ତାଙ୍କର ପ୍ରସବ ବେଦନା ହୋଇଥିଲା । ଆମ୍ବୁଲାନ୍ସକୁ ଖବର ଦିଆଯିବାରୁ ଆମ୍ବୁଲାନ୍ସ ଆସିଥିଲା । ମାତ୍ର ରାସ୍ତା ଅତି ଖରାପ ଥିବାରୁ ଗାଁଠାରୁ ପ୍ରାୟ ୨ କିଲୋମିଟର ଦୂରରେ ଅଟକି ରହିଥିଲା।

ଏହାପରେ ତାଙ୍କର ସମ୍ପର୍କୀୟମାନେ ଏକ ଖଟରେ ତାଙ୍କୁ ବୋହି ନେଇଥିଲେ । ମାତ୍ର ଅଧବାଟରେ ସେ ଏକ ଶିଶୁ ପୁତ୍ରକୁ ଜନ୍ନ ଦେଇଥିଲେ ।  ପରେ ଆମ୍ବୁଲାନ୍ସରେ ନିଆଯାଇ ପ୍ରସୂତୀ ଓ ନବଜାତକକୁ ଇଚ୍ଛାପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା ।  ମାତ୍ର ପ୍ରସୂତିଙ୍କୁ ସ୍ୱାସ୍ଥାବସ୍ଥା ଭଲ ନ ଥିବାରୁ ତାଙ୍କୁ ଉମରକୋଟକୁ ସ୍ଥାନାନ୍ତର କରାଯାଇଥିଲା ।  ଏହି ରାସ୍ତାର ଦୂରାବସ୍ଥା ସମ୍ପର୍କରେ ସମ୍ପୃକ୍ତ କର୍ତ୍ତୃପକ୍ଷଙ୍କୁ ଜଣାଯାଇଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଉ ନଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି ।

Comments
Loading...