ପରିବେଶ ସମିତିର ପ୍ରକୃତି ବନ୍ଧୁ ଓ ପ୍ରକୃତି ମିତ୍ର ପୁରସ୍କାର

ବୌଦ୍ଧ : କୋଭିଡ-୧୯ ନିୟମକୁ ପାଳନ କରି ଓଡିଶା ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ଚଳିତ ବର୍ଷ ୨୦୧୯-୨୦ ପାଇଁ ପ୍ରକୃତି ବନ୍ଧୁ ଓ ପ୍ରକୃତି ମିତ୍ର ପୁରସ୍କାର ଜିଲ୍ଲା ସ୍ତରରେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟରେ ପ୍ରଦାନ କରାଯାଇଛି। ବୌଦ୍ଧ ବନଖଣ୍ଡ ବିଭାଗ ଅଧିନରେ ରହିଥିବା ପରିବେଶ ସମିତି ପକ୍ଷରୁ ବନଖଣ୍ଡ ଅଧିକାରୀ ଯୋଶବନ୍ତ ସେଠୀ ଚଳିତ ବର୍ଷର ଯୋଗ୍ୟ ବିବେଚିତ ହୋଇଥିବା ବ୍ୟକ୍ତି ବିଶେଷ ଓ ଅନୁଷ୍ଠାନକୁ ନିମନ୍ତ୍ରଣ କରି ରାଜ୍ୟ ସରକାରଙ୍କ ଦ୍ୱାରା ପ୍ରଦାନ କରାଯାଇଥିବା ମାନପତ୍ର ଓ ଅର୍ଥରାଶି ଜିଲ୍ଲପାଳ ଲଲାଟେନ୍ଦୁ ମିଶ୍ର ଓ ଉପ ଜିଲ୍ଲାପାଳ ଅଶ୍ୱିନୀ କୁମାର ମେହେରଙ୍କ ଉପସ୍ଥିତିରେ ପ୍ରଦାନ କରାଯାଇଛି। ଚଳିତ ବର୍ଷ ପାଇଁ ପ୍ରକୃତି ସଂରକ୍ଷଣ ଓ ପରିବେଶ ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପ୍ରକୃତି ବନ୍ଧୁ ଭାବେ ବୌଦ୍ଧ ସହରର ଇଂ. ସଂଜୟ କୁମାର ପଣ୍ଡା ଓ କଂଟାମାଳର ସାମ୍ବାଦିକ ଦିବ୍ୟ ଶଙ୍କର ରାଉତଙ୍କୁ ମାନପତ୍ର ସହିତ ଦଶ ହଜାର ଟଙ୍କା ଲେଖାଏଁ ଅର୍ଥରାଶି ପ୍ରଦାନ କରାଯାଇଛି। ଏହା ସହିତ ପ୍ରକୃତି ମିତ୍ର ଭାବେ ହରଭଙ୍ଗା ବ୍ଲକର ଝାଡ୍‍ରାଜିଂ ଆଶ୍ରମ ବିଦ୍ୟାଳୟ ଚାରିଛକ ଏବଂ କଂଟାମାଳ ବ୍ଲକର ଏମ୍‍.ଜି.ପି. ଉଚ୍ଚ ବିଦ୍ୟାଳୟ ପଲସାଗୋରା ଅନୁଷ୍ଠାନକୁ ମାନପତ୍ର ସହିତ ୨୦ ହଜାର ଟଙ୍କା ଲେଖାଏଁ ଅର୍ଥରାଶି ପ୍ରଦାନ କରାଯାଇଛି।

Comments
Loading...