ରାଜ୍ୟରେ ହୋଇ ନାହିଁ ଗୋଷ୍ଠୀ ସଂକ୍ରମଣ: ଆଶ୍ବାସନା ଦେଲେ ରାଜ୍ୟ ସରକାର

ଭୁବନେଶ୍ବର: ଆଜି ଗୋଟିଏ ଦିନରେ ରାଜ୍ୟରେ ୧୦୧ ସଂକ୍ରମିତ ଠାବ ହୋଇଛନ୍ତି । ଏମାନଙ୍କ ମଧ୍ୟରୁ  ଗଞ୍ଜାମ ଜିଲ୍ଲାର ସର୍ବାଧିକ ୫୨ଜଣ, ବାଲେଶ୍ୱରରୁ ୩୩ଜଣ, ଯାଜପୁର ଜିଲ୍ଲାରୁ ୭ଜଣ, ସୁନ୍ଦରଗଡ ଜିଲ୍ଲାରୁ ୭ଜଣ ଏବଂ କେନ୍ଦୁଝର ଜିଲ୍ଲାରୁ ୨ଜଣ ଚିହ୍ନଟ ହୋଇଛନ୍ତି । ଆଜି ଚିହ୍ନଟ ହୋଇଥିବା ସଂକ୍ରମିତଙ୍କୁ ମିଶାଇ ବର୍ତ୍ତମାନ ସୁଦ୍ଧା ଗଞ୍ଜାମ ଜିଲ୍ଲାରେ ସର୍ବାଧିକ ୨୧୦ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଜଣଙ୍କ ମୃତ୍ୟୁ ହୋଇଛି ।  ବାଲେଶ୍ୱର ଜିଲ୍ଲାରେ ବର୍ତ୍ତମାନ ସୁଦ୍ଧା ୯୦ଜଣ, ଯାଜପୁର ଜିଲ୍ଲାରେ ୭୧ଜଣ, ଖୋର୍ଦ୍ଧା ଜିଲ୍ଲାରେ କରୋନାରେ ଆକ୍ରାନ୍ତଙ୍କ ସଂଖ୍ୟା ୫୦, ଭଦ୍ରକରେ ୩୧, ସୁନ୍ଦରଗ଼ଡରେ ୨୩, ଅନୁଗୋଳ ଜିଲ୍ଲାରେ ୧୫, କେନ୍ଦ୍ରାପଡାରେ ୯,  ମୟୂରଭଞ୍ଜ ଜିଲ୍ଲାରେ ୯ଜଣ ସଂକ୍ରମିତ ରହିଛନ୍ତି । ଏହାବ୍ୟତୀତ ଅନ୍ୟାନ୍ୟ ଜିଲାରେ କିଛିକିଛି ସଂକ୍ରମିତ ଠାବ ହୋଇଛନ୍ତି । ମାତ୍ର ଏଥିନେଇ ଆଦୌ ବ୍ୟସ୍ତ ହେବାର କାରଣ ନାହିଁ କିମ୍ଭା ଭୟଭୀତ ହୁଅନ୍ତୁ ନାହିଁ ବୋଲି ରାଜ୍ୟବାସୀଙ୍କୁ ପରାମର୍ଶ ଦେଇଛନ୍ତି ସ୍ବତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ।ଯେଉଁମାନେ ସବୁ ଚିହ୍ନଟ ହେଉଛନ୍ତି ସେମାନେ କ୍ୱାରେଣ୍ଟାଇନ୍ ସେଣ୍ଟର କିମ୍ୱା କଣ୍ଟେନମେଣ୍ଟ ଜୋନ ମଧ୍ୟରୁ ହେଉଛନ୍ତି । ତେଣୁ ଗୋଷ୍ଠୀ ସଂକ୍ରମଣ ହୋଇଥିବା ଆଶଙ୍କା ନାହିଁ ଏବଂ ଭୟର କାରଣ ନାହିଁ ବୋଲି ଶ୍ରୀ ଜେନା କହିଛନ୍ତି ।

 

Comments
Loading...