ଆତ୍ମନିର୍ଭରଶୀଳତା ବଢ଼ାଇଲା କରୋନା : ପିପିଇ କିଟ ପ୍ରସ୍ତୁତିରେ ଭାରତ ଅଗ୍ରଣୀ

ନୂଆଦିଲ୍ଲୀ : କରୋନା ସଂକ୍ରମଣ ଦେଶକୁ ଗୋଟିଏ ପକ୍ଷରେ ଆର୍ଥିକ ଦୁର୍ଗତିକୁ ଠେଲିଦେଇଥିବା ବେଳେ ଅନ୍ୟପକ୍ଷରେ ଅତ୍ମନିର୍ଭରଶୀଳତା ବଢ଼ାଇଛି। କରୋନା ମୁକାବିଲା ନିମନ୍ତେ ଭାରତ ପିପିଇ କିଟ ପାଇଁ ଚୀନ ଓ ଆମେରିକା ଉପରେ ନିର୍ଭର କରିଆସୁଥିବା ବେଳେ ଏବେ ଆତ୍ମନିର୍ଭରଶୀଳ ହେବା ସହ ରେକର୍ଡ ମାତ୍ରାରେ ପ୍ରସ୍ତୁତି କରିବାରେ ସକ୍ଷମ ହୋଇଛି।

ଭାରତରେ କରୋନା ଯୋଗୁ ଦେଶରେ ଏବେ ଲକଡାଉନ ସ୍ଥିତି। ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଆର୍ଥିକ ମାନ୍ଦାବସ୍ଥା ଦେଖାଦେଇଛି। କରୋନା ମୁକାବିଲା ସକାଶେ ଡାକ୍ତର ଓ ସ୍ବାସ୍ଥ୍ୟ କର୍ମଚାରୀଙ୍କ ପାଇଁ ଆବଶ୍ୟକ ପିପିଇ କିଟ ପାଇଁ ଚୀନ, ଆମେରିକା ତଥା ଅନ୍ୟାନ୍ୟ ୟୁରୋପିୟ ରାଷ୍ଟ୍ର ଉପରେ ଭାରତକୁ ନିର୍ଭର କରିବାକୁ ପଡୁଥିଲା। ପିପିଇର ଆବଶ୍ୟକତା ବୃଦ୍ଧିକୁ ଦେଖି ସରକାର ଦେଶରେ ପ୍ରସ୍ତୁତି କରିବାକୁ ନିଷ୍ପତ୍ତି କଲେ। ଫେବୃଆରୀ ମାସ ସୁଦ୍ଧା ଦେଶରେ ପିପିଇ କିଟ ପ୍ରସ୍ତୁତ ହେଉନଥିବା ବେଳେ ମାର୍ଚ ମାସରୁ ଆରମ୍ଭ ହୋଇଛି। ବିଶ୍ବ ସ୍ବାସ୍ଥ୍ୟ ସଂଗଠନର ମାନଙ୍କ ମୁତାବକ ୧୦୬ଟି ସଂସ୍ଥା ଜରିଆରେ ଭାରତରେ ଉନ୍ନତମାନର ପିପିଇ କିଟ ପ୍ରସ୍ତୁତି ଚାଲିଛି। ଏବେ ଦେଶରେ ୧.୭ ଲକ୍ଷ ପିପିଇ କିଟ ପ୍ରସ୍ତୁତ ହେଉଥିବା ବେଳେ ଆଗାମୀ ଦିନରେ ୨ ଲକ୍ଷ ପ୍ରସ୍ତୁତ ପାଇଁ ଲକ୍ଷ୍ୟ ରଖାଯାଇଛି। ଭାରତ ଏହି କ୍ଷେତ୍ରରେ ଏବେ ଆତ୍ମନିର୍ଭରଶୀଳ ହୋଇଥିବା ବେଳେ ଆଗାମୀ ଦିନରେ ମାନୁଫାକ୍ଚରିଂ ହବ୍ ହେବାର ଆଶା କରିଛନ୍ତି ଅର୍ଥଶାସ୍ତ୍ରୀ।

Comments are closed.