କରୋନା ପରିସ୍ଥିତି ନେଇ ପମ୍ପିଓ – ଜୟଶଙ୍କର ଆଲୋଚନା, ଆନ୍ତର୍ଜାତୀୟ ଉତ୍ତରଦାୟିତ୍ୱ ଉପରେ ଗୁରୁତ୍ୱାରୋପ

ସମାଜ ପୋର୍ଟାଲ ଡେସ୍କ: ଆମେରିକା ବୈଦେଶିକ ସଚିବ ମାଇକ ପମ୍ପିଓ ଅଷ୍ଟ୍ରେଲିଆ, ବ୍ରାଜିଲ, ଭାରତ, ଇସ୍ରାଏଲ, ଜାପାନ ଏବଂ ଦକ୍ଷିଣ କୋରିଆର ପ୍ରତିପକ୍ଷଙ୍କ ସହ ଭିଡିଓ କନଫରେନସିଂ ଜରିଆରେ କରୋନା ମହାମାରୀ ଉପରେ ଆଲୋଚନା କରିଛନ୍ତି। ଆମେରିକା ବୈଦେଶିକ ବିଭାଗର ଜଣେ ମୁଖପାତ୍ର ଟ୍ୱିଟ କରି କହିଛନ୍ତି ଯେ ବୈଦେଶିକ ସଚିବ ମାଇକେଲ ଆର ପମ୍ପିଓ ୬ଟି ଦେଶର ବୈଦେଶିକ ମନ୍ତ୍ରୀଙ୍କ ସହ କଥା ହୋଇଛନ୍ତି। ପମ୍ପିଓ ଏବଂ ପ୍ରତିପକ୍ଷମାନେ କରୋନା ମହାମାରୀର ମୁକାବିଲା ନିମନ୍ତେ ଆନ୍ତର୍ଜାତୀୟ ସହଯୋଗ, ସ୍ୱଚ୍ଛତା ଏବଂ ଉତ୍ତରଦାୟିତ୍ୱ ଉପରେ ଗୁରୁତ୍ୱାରୋପ କରିଛନ୍ତି।

ଭବିଷ୍ୟତରେ କିଭଳି ଏପରି ସ୍ୱାସ୍ଥ୍ୟ ସଂକଟକୁ ରୋକି ହେବ ଏବଂ ଆନ୍ତର୍ଜାତିକ ସ୍ଥରରେ ସହଯୋଗ ଉପରେ ମଧ୍ୟ ଏଥିରେ ଆଲୋଚନା କରାଯାଇଛି। ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର କହିଛନ୍ତି ଯେ କରୋନା ମହାମାରୀର ମୁକାବିଲା ପାଇଁ ଆନ୍ତର୍ଜାତିକ ସ୍ଥରରେ ସମସ୍ତଙ୍କ ସହଯୋଗ ଅତ୍ୟନ୍ତ ଜରୁରୀ ଅଟେ।