୭ ଦିନିଆ ରିମାଣ୍ଡରେ ଗଲେ ଦୀପ ସିଦ୍ଧୁ

ନୂଆଦିଲ୍ଲୀ: ଦିଲ୍ଲୀ ହିଂସାର ମୁଖ୍ୟ ସୂତ୍ରଧର ଅଭିନେତା ଦୀପ ସିଦ୍ଧୁଙ୍କୁ ଦିଲ୍ଲୀ ପୁଲିସର ସ୍ପେଶାଲ ସେଲ୍‌ ମଙ୍ଗଳବାର ଗିରଫ କରି ତୀସ ହଜାରୀ କୋର୍ଟରେ ହାଜର କରିଛି। କୋର୍ଟ ତାଙ୍କୁ ୭ ଦିନିଆ ରିମାଣ୍ଡରେ ପଠାଇ ଦେଇଛନ୍ତି। ପୁଲିସ ୧୦ ଦିନିଆ ରିମାଣ୍ଡରେ ନେବାକୁ କୋର୍ଟଙ୍କ ନିକଟରେ ଅନୁରୋଧ କରିଥିଲା। କିନ୍ତୁ କୋର୍ଟ ୭ ଦିନ ପାଇଁ ଅନୁମତି ଦେଇଛନ୍ତି।

ଗତ ୨୬ ତାରିଖରେ କୃଷକଙ୍କ ଟ୍ରାକ୍ଟର ରାଲି ସମୟରେ ଦିଲ୍ଲୀ ଲାଲକିଲାରେ ହିଂସାକାଣ୍ଡ ଘଟିଥିଲା। ଏହି ଘଟଣାର ମୁଖ୍ୟ ଅଭିଯୁକ୍ତ ଥିଲେ ପଞ୍ଜାବୀ ଅଭିନେତା ଦୀପ ସିଦ୍ଧୁ। ପ୍ରାୟ ୧୫ ଦିନ ଧରି ଫେରାର ରହିବା ପରେ ପୁଲିସ ତାଙ୍କୁ ଆଜି ଗିରଫ କରିଥିଲା। ପୁଲିସ ଦୀପ ସିଦ୍ଧୁଙ୍କ ନାମରେ ୧ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲା।

ଫେରାର ରହିବା ସମୟରେ ଦୀପ ସିଦ୍ଧୁ ଲଗାତାର ସୋସିଆଲ ମିଡିଆରେ ଭିଡିଓ ବାର୍ତ୍ତା ଜାରି କରୁଥିଲେ। କୁହାଯାଉଛି ଯେ, ସିଦ୍ଧୁ ଯେଉଁ ଭିଡିଓ ଅପଲୋଡ୍‌ କରୁଥିଲେ, ତାହା ପଛରେ ତାଙ୍କର ଜଣେ ଘନିଷ୍ଠ ମହିଳା ବନ୍ଧୁ ଅଛନ୍ତି, ଯିଏ କାଲିଫର୍ନିଆରେ ରୁହନ୍ତି। ପୁଲିସ ସୂଚନା ଅନୁସାରେ, ସିଦ୍ଧୁ ଭିଡିଓ ପ୍ରସ୍ତୁତ କରୁଥିଲେ ଏବଂ ତାହାକୁ ତାଙ୍କ ମହିଳା ବନ୍ଧୁ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଅପଲୋଡ୍‌ କରୁଥିଲେ।

 

Comments
Loading...