୨୧ ବିଦେଶୀ ନାଗରିକ ଓ ଜମାତ ସଦସ୍ୟଙ୍କୁ ଧରିଥିବା ପୁଲିସ ଅଧିକାରୀ କରୋନାରେ ଆକ୍ରାନ୍ତ

ମୁମ୍ବଇ: ମହାରାଷ୍ଟ୍ରର ଜଣେ ବରିଷ୍ଠ ପୁଲିସ ଅଧିକାରୀ କରୋନାରେ ଆକ୍ରାନ୍ତ ହୋଇଛନ୍ତି। ସେ ୨୧ ବିଦେଶୀ ନାଗରିକ ଏବଂ ଜବଲିଗୀ ଜମାତ ସଦସ୍ୟଙ୍କୁ ଗିରଫ କରିଥିଲେ। ଏହି ପୁଲିସ ଅଧିକାରୀ ଜଣକ ଦିଲ୍ଲୀର ନିଜାମୁଦ୍ଦିନ ଅଞ୍ଚଳରେ ଜବଲିଗୀ ଜମାତ ଆୟୋଜନ ପରେ ମହାରାଷ୍ଟ୍ରର ମୁମ୍ବ୍ରାରେ ୨୧ ବିଦେଶୀ ନାଗରିକଙ୍କୁ ଧରିବା ଲାଗି ଏକ ଅଭିଯାନର ନେତୃତ୍ଵ ନେଇଥିଲେ।

ଅଭିଯାନ ସମୟରେ ପୁଲିସ ଅଧିକାରୀ ଜଣକ ୧୩ ବାଂଲାଦେଶୀ ଏବଂ ୮ ମାଲେସୀୟ ନାଗରିକଙ୍କୁ ଧରିଥିଲେ, ଯେଉଁମାନେ ମାର୍ଚ୍ଚରେ ତବଲିଗୀ ଜମାତରେ ଅଂଶଗ୍ରହଣ କରିଥିଲେ। ଏହି ୨୧ ବିଦେଶୀ ନାଗରିକ ପ୍ରଥମେ ତାମିଲନାଡୁ ଏବଂ ପରେ ମହାରାଷ୍ଟ୍ରର ମୁମ୍ବ୍ରା ଯାଇଥିଲେ। ପରେ ସେଠାରେ ମସଜିଦ ଏବଂ ସ୍କୁଲରେ ଲୁଚି ରହିଥିଲେ। ସରକାରଙ୍କ ପରାମର୍ଶ ଏବଂ ନିବେଦନ ସତ୍ବେ ସେମାନେ ପ୍ରଶାସନ ନିକଟରେ ହାଜର ହୋଇ ନ ଥିଲେ। ଏହା ପରେ ସେମାନଙ୍କୁ ଧରିବା ଲାଗି ପୁଲିସ ପକ୍ଷରୁ ସ୍ବତନ୍ତ୍ର ଅଭିଯାନ ଆରମ୍ଭ ହୋଇଥିଲା। ମୁମ୍ବ୍ରା ପୁଲିସ ମସଜିଦ ଏବଂ ସ୍କୁଲରେ ଚଢ଼ାଉ କରି ସେମାନଙ୍କୁ ଗିରଫ କରିଥିଲା। ପୁଲିସ ପକ୍ଷରୁ ସ୍କୁଲ ଏବଂ ମସଜିଦ କର୍ତ୍ତୃପକ୍ଷଙ୍କ ବିରୋଧରେ ବିଦେଶୀ ନାଗରିକଙ୍କୁ ଶରଣ ଦେବା ଏବଂ ପ୍ରଶାସନକୁ ଅବଗତ ନ କରାଇବା ଅଭିଯୋଗରେ ମାମଲା ରୁଜୁ କରିଛି।

ବିଦେଶୀମାନଙ୍କୁ ଗିରଫ କରିବା ପରେ ଅଭିଯାନର ନେତୃତ୍ଵ ନେଇଥିବା ପୁଲିସ ଅଧିକାରୀଙ୍କଠାରେ କରୋନା ଲକ୍ଷଣ ଦେଖାଯାଇଥିଲା। ତାଙ୍କର ପରୀକ୍ଷା କରାଯିବା ପରେ ସେ ମଧ୍ୟ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ନାସିକର ଆପୋଲୋ ହସ୍ପିଟାଲରେ ତାଙ୍କର ଚିକିତ୍ସା ଚାଲିଛି।

Comments
Loading...