ଅମାନବୀୟ: କରୋନା ରୋଗୀ ଓ ୨ ମହିଳାଙ୍କୁ ଲାଠିରେ ପିଟିଲା ପୁଲିସ
ମଧ୍ୟପ୍ରଦେଶର ଖଣ୍ଡୱା ଜିଲାରେ ପୁଲିସ କର୍ମଚାରୀଙ୍କ ଅମାନବୀୟ କାର୍ଯ୍ୟକଳାପର ଏକ ଦୃଷ୍ଟାନ୍ତ ଦେଖିବାକୁ ମିଳିଛି। ଏଠାରେ ଜଣେ କରୋନା ରୋଗୀଙ୍କୁ ପୁଲିସ ଅମାନୁଷିକ ଭାବେ ଲାଠିରେ ମାଡ଼ ମାରିଛି। ଏପରି କି ଉଦ୍ଧାର କରିବାକୁ ଆସିଥିବା ରୋଗୀର ପରିଜନମାନଙ୍କୁ ବି ପୁଲିସ ମାଡ଼ ମାରିଛି। ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ସହିତ ଘଟଣାକୁ ନିନ୍ଦା କରାଯାଇଛି।
ସୂଚନା ଅନୁସାରେ, ସିରସୋଦ ବଞ୍ଜାରୀ ଗାଁରେ ଜଣେ ୨୦ ବର୍ଷୀୟ ଯୁବକ କରୋନାରେ ସଂକ୍ରମିତ ହୋଇଥିଲେ। ଏହି ଖବର ମିଳିବା ପରେ ଗତ ଶୁକ୍ରବାର ସ୍ବାସ୍ଥ୍ୟକର୍ମୀମାନେ ପହଞ୍ଚି ତାଙ୍କୁ ହସ୍ପିଟାଲ ନେବାକୁ ଆସିଥିଲେ। କିନ୍ତୁ ପରିବାର ଲୋକେ ହସ୍ପିଟାଲରେ ବିଭିନ୍ନ ଅବ୍ୟବସ୍ଥାର କାରଣ ଦର୍ଶାଇ ଯୁବକଙ୍କୁ ଘରେ ଆଇସୋଲେଶନରେ ରଖିବାକୁ ଜିଦି କରିଥିଲେ। ଏହାକୁ ନେଇ ସ୍ବାସ୍ଥ୍ୟକର୍ମୀ ଏବଂ ରୋଗୀଙ୍କ ପରିବାର ଲୋକଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା। ସେମାନେ ଫେରିଯାଇଥିଲେ। ପରେ ସ୍ବାସ୍ଥ୍ୟକର୍ମୀଙ୍କ ପକ୍ଷରୁ ଏ ନେଇ ଥାନାରେ ଅବଗତ କରାଯାଇଥିଲା। ରୋଗୀଙ୍କ ପରିବାର ଲୋକେ ସେମାନଙ୍କୁ ଆକ୍ରମଣ କରିଥିବା ସ୍ବାସ୍ଥ୍ୟକର୍ମୀମାନେ ଅଭିଯୋଗ କରିଥିଲେ।
ଏହା ପରେ ଗତ ରବିବାର କିଛି ପୁଲିସ କର୍ମଚାରୀ ପହଞ୍ଚି ସମ୍ପୃକ୍ତ କରୋନା ରୋଗୀ ଏବଂ ତାଙ୍କ ପରିବାର ଲୋକଙ୍କୁ ମାଡ଼ ମାରିଥିଲା। ଗାଁ ଦାଣ୍ଡରେ ପୁଲିସ ଏଭଳି କାର୍ଯ୍ୟାନୁଷ୍ଠାନ ନେଉଥିବା ବେଳେ କିଛି ଲୋକ ତାହାର ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରିଥିଲେ।
मध्य प्रदेश के खंडवा जिले में पुलिकर्मियों ने कोरोना मरीज एवं महिला समेत उनके परिजनों पर लाठी-डंडों से बेरहमी से हमला किया। न्याय देने के बजाए पुलिस ने उल्टा पीड़ित परिवार पर ही केस दर्ज कर दिया। तत्काल इन पुलिसकर्मियों को निलंबित किया जाना चाहिए। ये बहुत ही पीड़ादायक है। pic.twitter.com/bKFK5UyTfN
— Chandra Shekhar Aazad (@BhimArmyChief) April 11, 2021
ଅନ୍ୟପଟେ ସ୍ଥାନୀୟ ଛୈଗାଓଁ ମାଖନ ଥାନା ଅଧିକାରୀ ଜି. କନୈଲ କୁହନ୍ତି, ସ୍ବାସ୍ଥ୍ୟକର୍ମୀମାନଙ୍କ ଉପରେ ରୋଗୀଙ୍କ ପରିବାର ପକ୍ଷରୁ ଆକ୍ରମଣ କରାଯାଇଥିବା ଅଭିଯୋଗ ହେବା ପରେ ପୁଲିସର ଏକ ଟିମ୍ ସିରସୋଦ ଗାଁକୁ ଯାଇଥିଲା। କିନ୍ତୁ ସେଠାରେ ପୁଲିସ ଟିମ ଉପରେ ଆକ୍ରମଣ କରାଯାଇଥିଲା। ଏଥିରେ ଜଣେ ଏସଆଇ ଏବଂ ଏଏସଆଇଙ୍କ ସମେତ ୨ ସ୍ବାସ୍ଥ୍ୟକର୍ମୀ ଆହତ ହୋଇଥିଲେ।
Comments are closed.