ଚେନ୍ନାଇ: ତାମିଲନାଡୁର ମଦୁରାଇରେ ଅଭାବନୀୟ ଘଟଣା । କରୋନା ହେବାକୁ ଭୟକରି ବିଷ ପିଇଦେଲେ ମା’ ପୁଅ । ମଦୁରାଇରେ ଜଣେ ୨୩ ବର୍ଷୀୟ ଯୁବତୀ ଏବଂ ତାଙ୍କ ୩ ବର୍ଷିୟ ପୁଅ ବିଷ ଖାଇ ଜୀବନ ହାରିଥିବା କୁହାଯାଉଛି । ସବୁଠୁ ବଡ଼ କଥା ହେଉଛି ଖାଲି ମା’ ପୁଅ ନୁହେଁ ପରିବାରର ୫ଜଣ ସଦସ୍ୟ ବିଷ ପିଇଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ୩ଜଣ ଜୀବିତ ଥିବା ବେଳେ, ମା’ ଓ ପୁଅଙ୍କର ମୃତ୍ୟୁ ହୋଇଛି ।
ଗତମାସ ମୃତ ଯୁବତୀଙ୍କ ବାପାଙ୍କ କରୋନାରେ ମୃତ୍ୟୁ ହୋଇଥିଲା । ଯାହା ଫଳରେ ତାଙ୍କ ପରିବାର ଉପରେ ଖୁବ୍ ପ୍ରଭାବ ପଡ଼ିଥିଲା । ବାପାଙ୍କର ମୃତ୍ୟୁ ପରେ ମୃତ ଯୁବତୀ ଜଣକ ତାଙ୍କ ମା’ଙ୍କ ନିକଟରେ ରହୁଥିଲେ । ଜାନୁଆରୀ ୮ ତାରିଖରେ ଯୁବତୀଙ୍କ କରୋନା ରିପୋର୍ଟ ପଜିଟିଭ୍ ଆସିବା ପରେ ତାଙ୍କ ମା’ଙ୍କୁ କହିଥିଲେ । ପରିବାରର ଅନ୍ୟ ସଦସ୍ୟଙ୍କୁ କରୋନା ବ୍ୟାପିବା ଭୟରେ ବିଷ ପିଇଦେଇଥିଲେ । ଘଟଣାସମ୍ପର୍କରେ ପଡୋଶୀଙ୍କ ଠାରୁ ପୋଲିସ ସୂଚନା ପାଇଥିଲା । ଘଟଣାସ୍ଥଳରେ ପୋଲିସ ପହଞ୍ଚିବା ବେଳକୁ ୩ବର୍ଷର ଶିଶୁ ସହ ଯୁବତୀଙ୍କ ମୃତ୍ୟୁ ହୋଇସାରିଥିଲା । ଅନ୍ୟମାନଙ୍କୁ ଗୁରୁତର ଅବସ୍ଥା୍ରେ ହସ୍ପିଟାଲରେ ଭର୍ତ୍ତି କରିଥିଲା ପୋଲିସ ।
Comments are closed.