ଦେଶର ଦ୍ୱିତୀୟ ବୃହତ୍ତମ ପବ୍ଲିକ ସେକ୍ଟର ବ୍ୟାଙ୍କ ଭାବେ ଜଣାଶୁଣା ପଞ୍ଜାବ ନ୍ୟାସନାଲ ବ୍ୟାଙ୍କ ୬ ହଜାର ଅଧିକାରୀଙ୍କୁ ବଦଳି କରିଛି। ଦେଶରେ କରୋନା ମହାମାରୀଙ୍କୁ ନେଇ ବିଭିନ୍ନ ରାଜ୍ୟରେ ଲକଡାଉନ ଓ ସଟଡାଉନ ଭଳି ପରିସ୍ଥିତି ଚାଲିଥିବା ବେଳେ ସେହି ଅଧିକାରୀଙ୍କ ମଧ୍ୟରୁ କେତେ ଜଣଙ୍କୁ ବର୍ତ୍ତମାନର ପୋଷ୍ଟିଂ ସ୍ଥାନଠାରୁ ୨ ହଜାର କିଲୋମିଟରରୁ ଅଧିକ ଦୂର ବଦଳି କରାଯାଇଛି। ସେହି ଅଧିକାରୀମାନଙ୍କୁ ପଦୋନ୍ନତି ପରେ ବଦଳି କରାଯାଇଛି କିନ୍ତୁ ସେହି ଅଧିକାରୀମାନେ କହିଛନ୍ତି ଯେ କରୋନା ସଂକ୍ରମଣ ଦ୍ୱାରା ସୃଷ୍ଟି ହୋଇଥିବା ପରିସ୍ଥିତି କାରଣରୁ ସେମାନଙ୍କୁ ବିକଳ୍ପ ମିଳିଲେ ସେମାନେ ପଦୋନ୍ନତି ଗ୍ରହଣ ମନା କରିବାକୁ ପ୍ରସ୍ତୁତ ଅଛନ୍ତି।
ପିଏନବି କହିଛି ଯେ ପ୍ରାୟ ୬ ହଜାର ଅଧିକାରୀଙ୍କ ଠାରୁ ମିଳିଥିବା ପସନ୍ଦକୁ ଆଧାର କରି ୩ ହଜାର ୬୧୧ ଜଣ ଅଧିକାରୀଙ୍କ ପଦୋନ୍ନତି ଏବଂ ବଦଳି କରାଯାଇଛି। କିଛି ଅଧିକାରୀଙ୍କ ବଦଳି ଦିଲ୍ଲୀରୁ ଅଗରତାଲା, ଜୟପୁରରୁ ଚେନ୍ନାଇ, ଦିଲ୍ଲୀରୁ କୋଏମ୍ବାଟୁର, ରାଜକୋଟରୁ କୋଜିକୋଡେ କରାଯାଇଛି, ଯାହା ବର୍ତ୍ତମାନର ପୋଷ୍ଟିଂ ସ୍ଥାନଠାରୁ ୨ ହଜାର କିଲୋମିଟର ଦୂରରେ ଅବସ୍ଥିତ। ଗତ ସପ୍ତାହରେ ଏହି ବଦଳି ଆଦେଶ ଆସିବା ପରେ ସ୍ଥାନାନ୍ତରିତ ହୋଇଥିବା ଅଧିକାରୀମାନେ ଚିନ୍ତାରେ ପଡିଛନ୍ତି। ଅନ୍ୟ ପକ୍ଷରେ ସ୍ଥାନାନ୍ତରିତ ଅଧିକାରୀମାନଙ୍କୁ ଏକ ଅଣ୍ଡରଟେକିଂରେ ସ୍ଵାକ୍ଷର କରିବାକୁ କୁହାଯାଇଛି ଯେଉଁଥିରେ ଲେଖା ଅଛି ଯେ ସ୍ଥାନାନ୍ତରିତ ହୋଇଥିବା ସ୍ଥାନରେ ଯୋଗଦେବା ନେଇ କୌଣସି ଅସୁବିଧା ନାହିଁ ଓ ଜୁଲାଇ ୨୯ ସୁଦ୍ଧା ନୂଆ ସ୍ଥାନରେ କାର୍ଯ୍ୟରେ ଯୋଗ ଦେବେ।
ପିଏନବି କହିଛି ଯେ କର୍ମଚାରୀଙ୍କ ଦ୍ୱାରା ଦିଆଯାଇଥିବା ବିକଳ୍ପ ଉପରେ ଆଧାର କରି ବଦଳି କରାଯାଇଛି ଏବଂ ଜଣେ ଅଧିକାରୀ ନିର୍ଦ୍ଦେଶାବଳୀ ଅନୁଯାୟୀ ପଦୋନ୍ନତି ତାରିଖ ଠାରୁ ୩ ମାସ ମଧ୍ୟରେ ପଦୋନ୍ନତି ଅଗ୍ରାହ୍ୟ କରିପାରନ୍ତି। କିନ୍ତୁ ସ୍ଥାନାନ୍ତରିତ ଅଧିକାରୀମାନେ କହିଛନ୍ତି ଯେ ଏପ୍ରିଲ୍ ୧, ୨୦୨୦ରେ ପଦୋନ୍ନତି ହୋଇଥିବାରୁ ଏହି ତିନି ମାସର ପଦୋନ୍ନତି ଅଗ୍ରାହ୍ୟ ସମୟସୀମା ଶେଷ ହୋଇ ସାରିଛି।
Comments are closed.