ଛଅ ମାସର ଶିଶୁ ପେଟରୁ ବାହାରିଲା ସାଢେ ତିନି ମାସର ଭ୍ରୂଣ

ପାଟନା: ଛଅ ମାସର ଶିଶୁ ପେଟରୁ ସାଢେ ଦେଢ କିଲୋ ଓଜନର ତିନି ମାସର ଭ୍ରୂଣ ବାହାରିଛି। ବିହାର ପାଟନା ମେଡିକାଲ କଲେଜ ଓ ହସ୍ପିଟାଲ (ପିଏମସିଏଚ)ର ଶିଶୁ ବିଭାଗର ୧୫ ଜଣିଆ ଡାକ୍ତରୀ ଦଳ ପ୍ରାୟ ଦୁଇ ଘଣ୍ଟା ଅପରେଶନ କରିବା ପରେ ଶିଶୁଟିର ପେଟରୁ ଏହି ଭ୍ରୂଣ ବାହାର କରିଛନ୍ତି। ଡାକ୍ତରଙ୍କ ସୂଚନା ଅନୁଯାୟୀ, ଶିଶୁଟିର ପେଟ ମଧ୍ୟରେ ଭ୍ରୂଣର ପେଟ, ହାଥ ଓ ମୁଣ୍ଡ ବିକଶିତ ହୋଇ ସାରିଥିଲା। କିନ୍ତୁ ହୃଦସ୍ପନ୍ଦନ ଚାଲୁନଥିଲା। ଯଦି ଆଉ କିଛି ଦିନ ଭ୍ରୂଣ ଶିଶୁଟିର ପେଟରେ ରହିଥାନ୍ତା ତେବେ ଶିଶୁଟିର ଜୀବନ ପ୍ରତି ବିପଦ ଥିଲା।

ବକ୍ସର ଜିଲାର ଅରିୟାଭ୍ ଗାଁର ନିବାସୀ ମୋଇନୁଧୀନଙ୍କ ୬ ମାସର ପୁଅ ଇରଫାନ୍ ର ଜନ୍ମ ପରଠାରୁ ସେ ପେଟରେ ଯନ୍ତ୍ରଣା ଅନୁଭବ କରୁଥିଲା। ତାକୁ ଅନେକ ଥର ସରକାରୀ ମେଡିକାଲରେ ଚିକିତ୍ସା କରାଇଥିଲେ। ହେଲେ କିଛି ସୁଫଳ ମିଳିନଥିଲା। ବାରମ୍ବାର ଶିଶୁଟି ପେଟରେ ଯନ୍ତ୍ରଣା ଅନୁଭବ କରିବା ସହ ପେଟ ଫୁଲୁଥିଲା। ପାଟନାର ପିଏମସିଏଚରେ ଚିକିତ୍ସା କରିବା ପାଇଁ କେହି ତାଙ୍କୁ ପରାମର୍ଶ ଦେଇଥିଲେ। ଜାନୁଆରୀ ୨୦ ତାରିଖରେ ଚିକତ୍ସା ପାଇଁ ପିଏମସିଏଚରେ ଭର୍ତ୍ତି କରିଥିଲେ। ଯାଞ୍ଚ ରିପୋର୍ଟରୁ ଶିଶୁଟିର ପେଟରୁ ଭ୍ରୂଣ ବାହାରିଥିଲା। ଯାହା ଡାକ୍ତରଙ୍କୁ ଚକିତ କରିଥିଲା। ଗତ ବୁଧବାର ଦିନ ଶିଶୁଟିର ସଫଳ ଅପରେଶନ ହୋଇଥିଲା।

ଡାକ୍ତରଙ୍କ କହିବା ଅନୁଯାୟୀ, ବେଳେବେଳେ ମହିଳାଙ୍କ ଗର୍ଭଧାରଣ ସମୟରେ ଏଭଳି ହେବାର ସମ୍ଭାବନା ଥାଏ। ଗର୍ଭଧାରଣ ବେଳେ ଗୋଟିଏ ଶିଶୁ ବିକଶିତ ହୋଇଥିବା ବେଳେ ଅନ୍ୟ ଏକ ଶିଶୁ ପ୍ରଥମ ଶିଶୁର ପେଟରେ ରହିଯାଇଥାଏ।

Comments are closed.