ପ୍ରଧାନମନ୍ତ୍ରୀ ମୋଦୀଙ୍କ ଫଲୋଅର ସଂଖ୍ୟା ୬କୋଟିକୁ ବୃଦ୍ଧି

ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଉ ଏକ ସଫଳତା ହାସଲ କରିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ଟ୍ୱିଟରରେ ଅନୁସରଣକାରୀଙ୍କ ସଂଖ୍ୟା ୬ କୋଟିକୁ ବୃଦ୍ଧି ପାଇଛି। ବର୍ତ୍ତମାନ ୬ କୋଟି ଲୋକ ଟ୍ୱିଟରରେ ପ୍ରଧାନମନ୍ତ୍ରୀ ମୋଦୀଙ୍କୁ ଅନୁସରଣ କରୁଛନ୍ତି।

ତେବେ ପ୍ରଧାନମନ୍ତ୍ରୀ ମୋଦୀ କେବଳ ୨ ହଜାର ୩୫୪ ଜଣ ଲୋକଙ୍କୁ ଅନୁସରଣ କରୁଛନ୍ତି। ଏହା ପୂର୍ବରୁ ୨୦୧୯ ସେପ୍ଟେମ୍ବରରେ ମୋଦୀଙ୍କ ଅନୁସରଣକାରୀଙ୍କ ସଂଖ୍ୟା ପାଞ୍ଚ କୋଟି ଥିଲା। ମାତ୍ର ୧୦ ମାସ ମଧ୍ୟରେ ତାଙ୍କୁ ଟ୍ୱିଟରରେ ୧ କୋଟି ଲୋକ ଅନୁସରଣ କରିଛନ୍ତି। ପ୍ରଧାନମନ୍ତ୍ରୀ ମଧ୍ୟ ଟ୍ୱିଟରରେ ବହୁତ ସକ୍ରିୟ ଅଛନ୍ତି। ଏହା ମାଧ୍ୟମରେ ପ୍ରଧାନମନ୍ତ୍ରୀ କେବଳ ଦେଶବାସୀଙ୍କ ସହ ଯୋଗାଯୋଗ କରନ୍ତି ନାହିଁ ବରଂ ଗୁରୁତ୍ୱପୂର୍ଣ୍ଣ ଘୋଷଣା ମଧ୍ୟ କରନ୍ତି।

ସୋସିଆଲ ମିଡିଆରେ ଅଧିକ ଅନୁସରଣ କରାଯାଉଥିବା ବିଶ୍ୱ ନେତାଙ୍କ ମଧ୍ୟରେ ନରେନ୍ଦ୍ର ମୋଦୀଙ୍କ ନାମ ରହିଛି। ପ୍ରଧାନମନ୍ତ୍ରୀ ମୋଦୀ ୨୦୦୯ ଜାନୁଆରୀରେ ତାଙ୍କ ଟ୍ୱିଟର ଆକାଉଣ୍ଟ ସୃଷ୍ଟି କରିଥିଲେ। ଏଥି ସହିତ କଂଗ୍ରେସ ନେତା ଶଶି ଥରୁର ମଧ୍ୟ ଟ୍ୱିଟରରେ ଆସିଥିଲେ, କିନ୍ତୁ ଅନୁଗାମୀମାନଙ୍କ କ୍ଷେତ୍ରରେ ଶଶି ଥରୁରଙ୍କ ତୁଳନାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବହୁ ଆଗକୁ ଚାଲି ଆସିଥିଲେ।

Comments
Loading...