ସାମାଜିକ ଗଣମାଧ୍ୟମରୁ ବିଦାୟ ନେବେ ପ୍ରଧାନମନ୍ତ୍ରୀ ମୋଦୀ !

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାମାଜିିକ ଗଣମାଧ୍ୟମରୁ ବିଦାୟ ନେଇ ପାରନ୍ତି। ଏନେଇ ମୋଦୀ ସୋମବାର ତାଙ୍କ ଅଫିସିଆଲ ଟ୍ବିଟର ଆକାଉଣ୍ଟରେ ଟ୍ବିଟ୍ କରି ସୂଚନା ଦେଇଛନ୍ତି। ସେ କହିଛନ୍ତି, “ଆସନ୍ତା ରବିବାର ମୋର ଫେସବୁକ୍, ଟ୍ୱିଟର, ଇନଷ୍ଟାଗ୍ରାମ ଏବଂ ୟୁଟ୍ୟୁବ ଆଦି ସାମାଜିକ ଗଣମାଧ୍ୟମ ଆକାଉଣ୍ଟରୁ ବିଶ୍ରାମ ନେବାକୁ ଚିନ୍ତା କରୁଛି। ଆପଣମାନେ ପୋଷ୍ଟ କରୁଥାନ୍ତୁ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏହିଭଳି ଟ୍ବିଟ୍ ଲୋକଙ୍କୁ ଆଶ୍ଚର୍ଯ୍ୟ କରିଛି। ମୋଦୀଙ୍କର ଟ୍ବିଟରରେ ୫ କୋଟି ୩୩ ଲକ୍ଷ ଅନୁଗାମୀ ଏବଂ ଫେସବୁକରେ ୪ କୋଟି ୪୫ ଲକ୍ଷ ଅନୁଗାମୀ ଅଛନ୍ତି। ଏହା ସହିତ ଇନଷ୍ଟାଗ୍ରାମରେ ତାଙ୍କର ଅନୁଗାମୀ ସଂଖ୍ୟା ୩ କୋଟି ୫୨ଲକ୍ଷ ଅଟେ।

ଏହା ଉପରେ ବିଜେପି ଆଇଟି ସେଲ୍ ନେତା ଅମିତ ମାଲଭିଆ କହିଛନ୍ତି ଯେ, ରବିବାର ଦିନ ପ୍ରଧାନମନ୍ତ୍ରୀ ମୋଦୀ ତାଙ୍କ କଥା ପାଳନ କରିବେ। ତେଣୁ ରବିବାର ପର୍ଯ୍ୟନ୍ତ ଆମେ ଅପେକ୍ଷା କରିବା ଉଚିତ୍। ୟୁଟ୍ୟୁବରେ ୪୫ ଲକ୍ଷ ଲୋକ ପ୍ରଧାନମନ୍ତ୍ରୀ ମୋଦୀଙ୍କୁ ସବସ୍କ୍ରାଇବ କରିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ଦେଶ ତଥା ବିଦେଶର ପ୍ରଶଂସକମାନେ ତାଙ୍କ ନିଷ୍ପତ୍ତିରେ ଆଶ୍ଚର୍ଯ୍ୟ ହୋଇ ପ୍ରଧାନମନ୍ତ୍ରୀଙ୍କୁ ତାହା ନକରିବାକୁ ନିବେଦନ କରୁଛନ୍ତି।

Comments are closed.