କରୋନା ମୁକାବିଲା : ୧୦ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କଲେ ମୋଦୀ

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଭିଡ଼ିଓ କନ୍‍ଫରେନ୍ସିଂ ମାଧ୍ୟମରେ ୧୦ଟି ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି। ଯେଉଁ ରାଜ୍ୟଗୁଡ଼ିକରେ କୋଭିଡ୍‍-୧୯  ସଂକ୍ରମଣ ଅଧିକ ରହିଛି। ସେହିଭଳି ୧୦ଟି ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରି ପରିସ୍ଥିତିର ସମୀକ୍ଷା କରିଛନ୍ତି। ସେହି ରାଜ୍ୟଗୁଡ଼ିକ ମଧ୍ୟରେ ଆନ୍ଧ୍ରପ୍ରଦେଶ, କର୍ଣ୍ଣାଟକ, ତାମିଲନାଡୁ, ପଶ୍ଚିମବଙ୍ଗ, ମହାରାଷ୍ଟ୍ର, ପଞ୍ଜାବ, ବିହାର, ଗୁଜରାତ, ତେଲଙ୍ଗାନା ଓ ଉତ୍ତରପ୍ରଦେଶ ରହିଛି।

ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି  ଆଜି ଦେଶରେ ସକ୍ରିୟ ମାମାଲା ସଂଖ୍ୟା ୬ ଲକ୍ଷରୁ ଅଧିକ ହେଲାଣି, ଯେଉଁଥିରୁ ଅଧିକାଂଶ ମାମଲା କେବଳ ଦଶଟି ରାଜ୍ୟର ରହିଛି। ଆଜିର ଏହି ଆଲୋଚନାରେ ଆମକୁ ପରସ୍ପରର ଅନୁଭୂତିରୁ ବହୁତ କିଛି ଶିଖିବାକୁ ମିଳିଛି।

ଯଦି ଆମେ ମିଳିମିଶି ଆମର ଏହି ଦଶଟି ରାଜ୍ୟରେ କରୋନାକୁ ପରାସ୍ତ କରିପାରିବା, ତେବେ ଦେଶ ମଧ୍ୟ ଜିତିଯିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି।

ଦେଶରେ ପରୀକ୍ଷା ସଂଖ୍ୟା ବୃଦ୍ଧି ପାଇ ଦୈନିକ ୭ ଲକ୍ଷ ପର୍ଯ୍ୟନ୍ତ ପହଞ୍ଚିଲାଣି ଏବଂ କ୍ରମାଗତ ଭାବରେ ସଂଖ୍ୟା ବୃଦ୍ଧି ପାଉଛି। ଏଥିରୁ ସଂକ୍ରମଣକୁ ଚିହ୍ନିବାରେ ଏବଂ ରୋକିବାରେ ସାହାଯ୍ୟ ମିଳୁଛି। ଏହାର ଅର୍ଥ ହେଉଛି କି ଆମର ପ୍ରୟାସ ପ୍ରଭାବଶାଳୀ ପ୍ରମାଣିତ ହୋଇଛି।