କରୋନା ମୁକାବିଲା – ଆଜି ‘ସମାଜ’ ସହ କଥା ହେବେ ପ୍ରଧାନମନ୍ତ୍ରୀ ମୋଦୀ

ସମାଜ ପୋର୍ଟାଲ ଡେସ୍କ: ସମ୍ପ୍ରତି ଦେଶରେ ବୃଦ୍ଧି ପାଉଥିବା କରୋନା ଭୁତାଣୁ ସଂକ୍ରମଣର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଦିନ ସମ୍ବାଦ ପ୍ରସାରଣ କ୍ଷେତ୍ରରେ ଲୋକପ୍ରିୟତା ହାସଲ କରିଥିବା ଦେଶର ପ୍ରମୁଖ ଘରୋଇ ଟିଭି ଚ୍ୟାନେଲର ସମ୍ପାଦକମାନଙ୍କ ସହ ଭିଡିଓ କନଫରେନସିଂ ମାଧ୍ୟମରେ ଆଲୋଚନା କରିଥିବା ବେଳେ ଆଜି ପୂର୍ବାହ୍ନ ୧୧ଟା ରେ ସର୍ବାଧିକ ଆଦୃତ ତଥା ଶହେ ବର୍ଷରେ ପଦାର୍ପଣ କରିଥିବା ଦୈନିକ ଓଡ଼ିଆ ସମ୍ବାଦପତ୍ର ‘ସମାଜ’ ସମ୍ପାଦକଙ୍କ ସହ ଆଲୋଚନା କରିବେ। ସୋମବାର ପ୍ରଧାନମନ୍ତ୍ରୀ କେତେକ ଘରୋଇ ଟିଭି ଚ୍ୟାନେକ ସମ୍ପାଦକ ଓ ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ କରୋନା ସଂକ୍ରମଣର ମୁକାବିଲା ଓ ସେ ନେଇ ଜନ ସଚେତନତା ସୃଷ୍ଟି ଦିଗରେ ଗଣମାଧ୍ୟମର ବଳିଷ୍ଠ ଭୂମିକା ସମ୍ପର୍କରେ ଆଲୋଚନା କରିଥିଲେ।

ତେବେ ଆଜି ରାଜ୍ୟର ଏକମାତ୍ର ବହୁଳ ପ୍ରସାରିତ ସମ୍ବାଦପତ୍ର ‘ସମାଜ’ ସହ ମୋଦୀ ଏ ସମ୍ପର୍କରେ ଭିଡିଓ କନଫରେନସିଂ ଜରିଆରେ ଆଲୋଚନା କରିବେ। ବିଶେଷ କରି କରୋନା ସଂକ୍ରମଣ କ୍ଷେତ୍ରରେ ଲୋକଙ୍କୁ କିଭଳି ଅଧିକ କ୍ରିୟାଶୀଳ ଭାବରେ ସଚେତନ କରାଯାଇ ପାରିବ ଓ କେଉଁ ସବୁ ପଦକ୍ଷେପ ଗ୍ରହଣ କରାଯାଇ ପାରିବ ସେ ନେଇ ମତ ବିନିମୟ ହେବାର କାର୍ଯ୍ୟକ୍ରମ ରହିଥିବା ଜଣାପଡିଛି।