ସମାଜ ପୋର୍ଟାଲ ଡେସ୍କ: ଶୁକ୍ରବାର ଦିନ ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସ ବିମାନ ଦୁର୍ଘଟଣାରେ ୧୦୬ ଜଣଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେ ଟ୍ୱିଟ କରି ମୃତକଙ୍କ ପରିବାର ପ୍ରତି ସମବେଦନା ଜଣାଇବା ସହ ଆହତମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି। ନିଜ ଟ୍ୱିଟର ହ୍ୟାଣ୍ଡେଲରେ ପ୍ରଧାନମନ୍ତ୍ରୀ ଲେଖିଛନ୍ତି, “ପାକିସ୍ତାନରେ ବିମାନ ଦୁର୍ଘଟଣାରେ ଜୀବନହାନି ହେତୁ ଗଭୀର ଦୁଃଖିତ। ମୃତକଙ୍କ ପରିବାର ପ୍ରତି ଆମର ସମବେଦନା ରହିଛି ଏବଂ ଆହତମାନଙ୍କ ଶୀଘ୍ର ଆରୋଗ୍ୟ କାମନା କରୁଛି।”
Deeply saddened by the loss of life due to a plane crash in Pakistan. Our condolences to the families of the deceased, and wishing speedy recovery to those injured.
— Narendra Modi (@narendramodi) May 22, 2020
ପାକିସ୍ତାନରେ ବିମାନ ଚଳାଚଳ ଉପରେ ଲକ ଡାଉନ ସମୟରେ ଜାରି କଟକଣା ଉଠିବା ପରେ ଆଜି (ଶୁକ୍ରବାର) ଲାହୋରରୁ କରାଚୀକୁ ଏହି ବିମାନ ଯାତ୍ରା ଆରମ୍ଭ କରିଥିଲା କିନ୍ତୁ କରାଚିର ଜିହ୍ନା ଆନ୍ତର୍ଜାତିକ ବିମାନବନ୍ଦରରେ ଅବତରଣର କିଛି ସମୟ ପୂର୍ବରୁ ଦୁର୍ଘଟଣାଗ୍ରସ୍ତ ହୋଇଥିଲା। ତେବେ ଅନ୍ୟ ଏକ ସୂତ୍ରରୁ ମିଳିଥିବା ଖବର ଅନୁଯାୟୀ, ବିମାନଟି ଅବତରଣ କରିବାର କିଛି ସମୟ ପୂର୍ବରୁ ପାଇଲଟ ଲ୍ୟାଣ୍ଡିଙ୍ଗ ଗିଅର କାମ କରୁନଥିବା ଟ୍ରାଫିକ କଣ୍ଟ୍ରୋଲକୁ ଜଣାଇବା ପରେ ଉଭୟ ବିମାନ ଓ କଣ୍ଟ୍ରୋଲ ଟାୱାର ମଧ୍ୟରେ ସମ୍ପର୍କ ବିଛିନ୍ନ ହୋଇଯାଇଥିଲା। ଏହି ଦୁର୍ଘଟଣାରେ ୧୦୬ ଜଣଙ୍କ ଶୋଚନୀୟ ମୃତ୍ୟୁ ଘଟିଥିବା ଜଣାପଡିଛି। ଦେଖନ୍ତୁ କରାଚୀ ବିମାନ ଦୁର୍ଘଟଣାର ସିସି ଟିଭି ଭିଡିଓ (ସୌଜନ୍ୟ – ୟୁ ଟ୍ୟୁବ)
Comments are closed.