ଅଯୋଧ୍ୟା ବିକାଶ କାର୍ଯ୍ୟର ସମୀକ୍ଷା କଲେ ପ୍ରଧାନମନ୍ତ୍ରୀ ମୋଦୀ

ଅଯୋଧ୍ୟାକୁ ଏକ ସହର ଭାବରେ ବର୍ଣ୍ଣନା କରି ପ୍ରତ୍ୟେକ ଭାରତୀୟଙ୍କ ସାଂସ୍କୃତିକ ଚେତନାରେ ପରିପୂର୍ଣ୍ଣ ହୋଇ ଏହି ସହର ଆମର ପରମ୍ପରା ଏବଂ ବିକାଶମୂଳକ ପରିବର୍ତ୍ତନର ସର୍ବୋତ୍ତମ ପ୍ରଦର୍ଶନ କରିବା ଉଚିତ୍ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ଅଯୋଧ୍ୟା ବିକାଶ ଉପରେ ଏକ ସମୀକ୍ଷା ବୈଠକରେ ଅଧ୍ୟକ୍ଷତା କରିଥିଲେ। ଏହି ବୈଠକରେ ଉତ୍ତରପ୍ରଦେଶର ସରକାରୀ କର୍ମଚାରୀମାନେ ସହରର ବିକାଶର ବିଭିନ୍ନ ଦିଗ ଉପରେ ଉପସ୍ଥାପନା କରିଥିଲେ।

ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପବିତ୍ର ସହରର ସଂଯୋଗୀକରଣ ବ୍ୟବସ୍ତା କରିବା ନିମନ୍ତେ ପାଇଁ ଆଗାମୀ ପ୍ରକଳ୍ପଗୁଡ଼ିକ ପାଇଁ ଯୋଜନା ଉପସ୍ଥାପନ କରିଥିଲେ ଯେଉଁଥିରେ ଉନ୍ନତ ସଡ଼କ, ଭିତ୍ତିଭୂମି, ରେଳ ଷ୍ଟେସନ, ବିମାନବନ୍ଦର, ବସ୍ ଷ୍ଟେସନ୍, ସଡ଼କ ଏବଂ ରାଜପଥ ଅନ୍ତର୍ଭୁକ୍ତ ରହିଛି। ବୈଠକରେ ଗ୍ରୀନଫିଲ୍ଡ ଟାଉନସିପରେ ଭକ୍ତଙ୍କ ରହିବା ସ୍ଥାନ, ଆଶ୍ରମ ପାଇଁ ସ୍ଥାନ, ମଠ, ହୋଟେଲ, ବିଭିନ୍ନ ରାଜ୍ୟର ଅତିଥି ଭବନ ବିଷୟରେ ଆଲୋଚନା କରାଯାଇଛି। ଏକ ପର୍ଯ୍ୟଟନ ସୁବିଧା କେନ୍ଦ୍ର ଓ ଏକ ବିଶ୍ୱ ସ୍ତରୀୟ ସଂଗ୍ରହାଳୟ ନିର୍ମାଣ ହେବା ନେଇ ଆଲୋଚନା ହୋଇଥିବା ଜଣାପଡିଛି।

ସରଯୁ ନଦୀ ଏବଂ ଏହାର ଘାଟଗୁଡିକର ଭିତ୍ତିଭୂମି ବିକାଶ ପାଇଁ ବିଶେଷ ଧ୍ୟାନ ଦିଆଯାଉଥିବା ବେଳେ ସରଯୁ ନଦୀରେ ଜଳଯାତ୍ରା ବ୍ୟବସ୍ତା ନିୟମିତ ହେବ ବୋଲି ବୈଠକରେ ଉପସ୍ଥିତ ଅଧିକାରୀମାନେ କହିଛନ୍ତି। ନୂତନ ଭାବେ ବିକଶିତ ହେବାକୁ ଥିବା ସହରରେ ସାଇକେଲ ଏବଂ ପାଦଚଲା ଲୋକଙ୍କ ପାଇଁ ପର୍ଯ୍ୟାପ୍ତ ସ୍ଥାନ ରହିବ। ସ୍ମାର୍ଟ ସିଟି ଭିତ୍ତିଭୂମି ବ୍ୟବହାର କରି ଆଧୁନିକ ଢଙ୍ଗରେ ଟ୍ରାଫିକ୍ ପରିଚାଳନା ମଧ୍ୟ କରାଯିବ।

ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ ଅଯୋଧ୍ୟା ଉଭୟ ଆଧ୍ୟାତ୍ମିକ ଏବଂ ଉତ୍କୃଷ୍ଟ। ଭବିଷ୍ୟତର ଭିତ୍ତିଭୂମି ସହିତ ଏହି ସହରର ମାନବୀୟ ନୈତିକତା ନିଶ୍ଚିତ ଭାବରେ ମେଳ ହେବା ଆବଶ୍ୟକ, ଯାହା ପର୍ଯ୍ୟଟକ ତଥା ତୀର୍ଥଯାତ୍ରୀଙ୍କ ସମେତ ସମସ୍ତଙ୍କ ପାଇଁ ଲାଭଦାୟକ ହେବ।

ସେ ଏହା ମଧ୍ୟ କହିଛନ୍ତି ଯେ ଆଗାମୀ ପୀଢୀଗୁଡିକ ଅଯୋଧ୍ୟାଙ୍କୁ ସେମାନଙ୍କ ଜୀବନରେ ଅତି କମରେ ଥରେ ପରିଦର୍ଶନ କରିବାର ଇଚ୍ଛା ଅନୁଭବ କରିବା ଉଚିତ୍। ତେଣୁ, ଭବିଷ୍ୟତରେ ବିକାଶମୂଳକ କାର୍ଯ୍ୟ ଜାରି ରହିବ। ଅଯୋଧ୍ୟାର ପରିଚୟକୁ ଅକ୍ଷୁର୍ଣ୍ଣ ରଖିବା ଏବଂ ଏହାର ସାଂସ୍କୃତିକ ସ୍ପନ୍ଦନକୁ ଅଭିନବ ଉପାୟରେ ଜୀବନ୍ତ ରଖିବା ଆମର ସାମୂହିକ ପ୍ରୟାସ ହେବା ଆବଶ୍ୟକ ବୋଲି ସେ କହିଛନ୍ତି।

Comments
Loading...