କରୋନା ସଂକ୍ରମଣ ପାଇଁ ବିକଳ୍ପ, ପ୍ଲାଜମା ଚିକିତ୍ସା : କଲମ୍ବିଆ ବିଶ୍ବବିଦ୍ୟାଳୟ

ସମାଜ ପୋର୍ଟାଲ ଡେସ୍କ : କରୋନା ମହାମାରୀକୁ ରୋକିବା ପାଇଁ ବିଶ୍ୱ ଏପର୍ଯ୍ୟନ୍ତ କୌଣସି ଉପଯୁକ୍ତ ବିକଳ୍ପ ଆଣିପାରି ନାହିଁ, ଯାହା ହେଉଛି ପ୍ଲାଜମା ଚିକିତ୍ସା। ଯଦି କୌଣସି ବ୍ୟକ୍ତିଙ୍କୁ ଥରେ କରୋନା ସଂକ୍ରମଣ ହୋଇଥାଏ ଏବଂ ସେ ଚିକିତ୍ସା ପରେ ସୁସ୍ଥ ହୋଇଯାଇଥାନ୍ତି, ତେବେ ତାଙ୍କ ରକ୍ତରେ ପ୍ରତିରୋଧ କ୍ଷମତା ବିକଶିତ ହୋଇଯାଇଥାଏ । ଯଦି ଏପରି ବ୍ୟକ୍ତିଙ୍କ ରକ୍ତରୁ ପ୍ଲାଜମା ବାହାର କରାଯାଇ ଅନ୍ୟ କରୋନା ରୋଗୀଙ୍କୁ ଦିଆଯାଏ, ତେବେ ସୁସ୍ଥ ହେବାର ଆଶା ଅଛି।

ତଥାପି, ବୈଜ୍ଞାନିକମାନେ ଅନୁମାନ କରୁଛନ୍ତି ଯେ, କେବଳ କରୋନା ସଂକ୍ରମିତ ରୋଗୀମାନେ ପ୍ଲାଜମା ଚିକିତ୍ସା ପାଇଁ ଉପଯୁକ୍ତ, କାରଣ ସାମାନ୍ୟ ଲକ୍ଷଣ ଏବଂ ପ୍ରାଥମିକ ଲକ୍ଷଣ ଥିବା ରୋଗୀଙ୍କ ରକ୍ତରେ ଆଣ୍ଟିବଡି ସୃଷ୍ଟି ହୁଏ ନାହିଁ। କିନ୍ତୁ ନ୍ୟୁୟର୍କର ମାଉଣ୍ଟ ସାଇନା ସ୍ଥିତ ଆଇକନ୍ ସ୍କୁଲ୍ ଅଫ୍ ମେଡିସିନର  ଗବେଷକମାନେ ୧୩୪୩ କରୋନା ସଂକ୍ରମିତ ରୋଗୀଙ୍କ ଉପରେ ହୋଇଥିବା ଏକ ଅଧ୍ୟୟନରୁ ଜାଣିବାକୁ ପାଇଛନ୍ତି ଯେ, ଏହା ଆଦୌ ନୁହେଁ। ଆଣ୍ଟିବଡି କେବଳ ଗୁରୁତର ସଂକ୍ରମିତ ନୁହେଁ ବରଂ ସାମାନ୍ୟ ଲକ୍ଷଣ ଏବଂ ପ୍ରାରମ୍ଭିକ ଲକ୍ଷଣ ଥିବା ରୋଗୀମାନଙ୍କଠାରେ ମଧ୍ୟ ଉତ୍ପନ୍ନ ହୁଏ। ତେଣୁ ପ୍ଲାଜମା ଚିକିତ୍ସା ପାଇଁ ଏହି ଲୋକଙ୍କ ରକ୍ତ ମଧ୍ୟ ନିଆଯାଇପାରେ।

ଏହା ଅନ୍ଧକାରରେ ଆଶାର କିରଣ ପରି

ଏହି ଅଧ୍ୟୟନ ରିପୋର୍ଟ ଦାଖଲ କରିଥିବା ଭାଇରୋଲୋଜିଷ୍ଟ ଫ୍ଲୋରିଆନ୍ କ୍ରାମର କହିଛନ୍ତି ଯେ ଏହା ଅନ୍ଧାରରେ ଆଶାର କିରଣ ପରି, କାରଣ କରୋନା ଟିକା କେତେ ଦିନରେ ବିକାଶ ହେବ ସେନେଇ କାହା ପାଖରେ  ଉତ୍ତର ନାହିଁ। ସେପର୍ଯ୍ୟନ୍ତ ପ୍ଲାଜମା ଚିକିତ୍ସା କରୋନା ସଂକ୍ରମିତ ରୋଗୀଙ୍କୁ ଭଲ କରିପାରେ। ଏହି ପଦ୍ଧତିରେ ଯେଉଁମାନେ ସେମାନଙ୍କର ଶରୀରରେ ଆଣ୍ଟିବଡି ବିକଶିତ କରିଛନ୍ତି ସେମାନଙ୍କର ଏକ ବଡ଼ ଅବଦାନ ରହିବ। ଏହି ଅଧ୍ୟୟନ କ୍ରେମରଙ୍କ ଟିମ୍ ଦ୍ବାରା ମଇ ୭ରେ ଅନଲାଇନରେ ପୋଷ୍ଟ କରାଯାଇଥିଲା, କିନ୍ତୁ ଏହା ଏପର୍ଯ୍ୟନ୍ତ ବିଶେଷଜ୍ଞଙ୍କ ଦ୍ବାରା ସମୀକ୍ଷା କରାଯାଇ ନାହିଁ।

ଯେଉଁମାନେ ସଂକ୍ରମଣରୁ ସୁସ୍ଥ ହୋଇଛନ୍ତି ସେମାନେ କାମକୁ ଫେରିପାରିବେ

ନ୍ୟୁୟର୍କର କଲମ୍ବିଆ ବିଶ୍ବବିଦ୍ୟାଳୟର ଭାଇରୋଲୋଜିଷ୍ଟ ଆଞ୍ଜେଲା ରସମୁସେନ୍ କହିଛନ୍ତି ଯେ କରୋନା ସଂକ୍ରମିତ ରୋଗୀଙ୍କଠାରେ ଆଣ୍ଟିବଡି ଧାରଣା ବର୍ତ୍ତମାନ ବୟସ, ଲିଙ୍ଗ ଏବଂ ସଂକ୍ରମଣର ଗମ୍ଭୀରତା ଉପରେ ଆଧାରିତ, କିନ୍ତୁ ଏହି ରିପୋର୍ଟ ଏହା ପ୍ରମାଣ କରିଛି ତାହା ନୁହେଁ।ବାସ୍ତବରେ ଅଧିକାଂଶ ସଂକ୍ରମିତ ଲୋକଙ୍କଠାରେ ଆଣ୍ଟିବଡି ବିକଶିତ ହୋଇଥାଏ। ଆଣ୍ଟିବଡି ଏବଂ ଜୀବାଣୁକୁ ନିଷ୍କ୍ରିୟ କରିବାର କ୍ଷମତା ମଧ୍ୟରେ ବହୁତ ଭଲ ସମ୍ପର୍କ ଅଛି।  କାରଣ କେବଳ ଆଣ୍ଟିବଡିଗୁଡିକ କରୋନା ଭୂତାଣୁ ସଂକ୍ରମଣକୁ ବ୍ୟାପକ  କରିବାରେ ପ୍ରମୁଖ ଭୂମିକା ଗ୍ରହଣ କରୁଥିବା ଏଜେଣ୍ଟର ପାଥୋଜେନକୁ ନଷ୍ଟ କରିବାରେ ସକ୍ଷମ ଅଟନ୍ତି। ଅଧ୍ୟୟନରେ ଏହା ମଧ୍ୟ କୁହାଯାଇଛି ଯେ ସଂକ୍ରମଣରୁ ସୁସ୍ଥ ହୋଇଥିବା ବ୍ୟକ୍ତି ନିରାପଦରେ କାର୍ଯ୍ୟ କ୍ଷେତ୍ରକୁ ଫେରିପାରିବେ। ତେବେ ଏଭଳି ଲୋକ କେତେ ଦିନ ସୁସ୍ଥ ରହିବେ କିମ୍ବା ପୁନର୍ବାର ସଂକ୍ରମିତ ହେବାର ସମ୍ଭାବନା ଅଛି କି ନାହିଁ ତାହା ସ୍ପଷ୍ଟ ହୋଇନାହିଁ।

ସାମାନ୍ୟ ଏବଂ ପ୍ରାରମ୍ଭିକ ଲକ୍ଷଣ ଥିବା ରୋଗୀ ମଧ୍ୟ ଦେଇପାରିବେ ପ୍ଲାଜମା

ଅନୁସନ୍ଧାନକାରୀ ଦଳରେ ଅନ୍ତର୍ଭୁକ୍ତ ଡକ୍ଟର ଆନିୟା ୱେଗେନବର୍ଗଙ୍କ ଅନୁଯାୟୀ, ଏହି ପ୍ରକଳ୍ପ ରିପୋର୍ଟ ପ୍ରସ୍ତୁତ କରିବାକୁ ୧୫,୦୦୦ରୁ ଅଧିକ ସଂକ୍ରମିତ ରୋଗୀଙ୍କୁ ଅନ୍ତର୍ଭୁକ୍ତ କରାଯାଇଥିଲା । ସେଥିରେ ଗୁରୁତର କରୋନାଙ୍କ ରୋଗୀଙ୍କ ମଧ୍ୟରୁ ୩ ପ୍ରତିଶତ ଡାକ୍ତରଖାନାରେ ଭର୍ତ୍ତି ହୋଇଥିଲେ। ଅବଶିଷ୍ଟାଂଶ କେବଳ ସାମାନ୍ୟ କିମ୍ବା ମଧ୍ୟମ ଲକ୍ଷଣର ଥିଲେ।

ଏହି ଟିମ୍ ୬୨୪ ଜଣଙ୍କୁ ପରୀକ୍ଷା କରି ଜାଣିବାକୁ ପାଇଲେ ଯେ ୫୧୧ ଗୁରୁତର ସଂକ୍ରମିତ, ୪୨ ମାମାନ୍ୟ ଏବଂ ୭୧ ଅତି ସାମାନ୍ୟ ରୋଗୀ ଥିଲେ। ସମସ୍ତଙ୍କ ଶରୀରରେ ଆଣ୍ଟିବଡି ନିଶ୍ଚିତ ଭାବରେ ବିକଶିତ ହୋଇଥିଲା । କିନ୍ତୁ ଗବେଷକମାନେ କହିଛନ୍ତି ଯେ ଆଣ୍ଟିବଡି ପାଇଁ ପରୀକ୍ଷା ସମୟର ଫଳାଫଳକୁ ବହୁତ ପ୍ରଭାବିତ କରିଥାଏ । ଡକ୍ଟର ଆନିୟା ୱେଗେନବର୍ଗ କହିଛନ୍ତି ଯେ ‘ଯଦି ସମୀକ୍ଷା ସମୟରେ ଏହି ରିପୋର୍ଟକୁ ସ୍ୱୀକୃତି ଦିଆଯାଏ, କେବଳ ରୋଗୀମାନେ ସୁସ୍ଥ ନୁହଁନ୍ତି, ସାମାନ୍ୟ ଏବଂ ପ୍ରାରମ୍ଭିକ ଲକ୍ଷଣ ଥିବା ବ୍ୟକ୍ତିମାନେ ମଧ୍ୟ ପ୍ଲାଜମା ଚିକିତ୍ସାରେ ସହଯୋଗ କରିପାରିବେ ଏବଂ ବିଶ୍ବର ଲକ୍ଷ ଲକ୍ଷ ସଂକ୍ରମିତ ଲୋକ ଆରୋଗ୍ୟ ହୋଇପାରିବେ। ହେଉଛି।

୭୧୯ ରୋଗୀଙ୍କ ଉପରେ ଅଧ୍ୟୟନ, ୬୨%ରେ ଆଣ୍ଟିବଡି ମିଳିଲା ନାହିଁ

ଅନୁସନ୍ଧାନକାରୀମାନେ ୭୧୯ ଜଣଙ୍କୁ ସେମାନଙ୍କ ଅଧ୍ୟୟନରେ ସାମିଲ କରିଥିଲେ, ଯେଉଁମାନଙ୍କୁ କୋଭିଡ-୧୯ ବୋଲି ସନ୍ଦେହ କରାଯାଉଥିଲା। କିନ୍ତୁ ସେମାନଙ୍କଠାରେ ଏହି ରୋଗର ଲକ୍ଷଣ ନଥିଲା । ଏହି ଗୋଷ୍ଠୀର ଗବେଷକମାନେ କିନ୍ତୁ ଏକ ସମ୍ପୂର୍ଣ୍ଣ ଭିନ୍ନ ଚିତ୍ର ପାଇଲେ । ଏହି ଲୋକମାନଙ୍କ ମଧ୍ୟରୁ ୬୨ ପ୍ରତିଶତଙ୍କ ରକ୍ତରେ ଆଣ୍ଟିବଡି ବିକଶିତ ହୋଇ ନଥିଲା। ସେମାନଙ୍କ ମଧ୍ୟରୁ କେତେକ ଆଣ୍ଟିବଡି ଚିହ୍ନଟ କରିବା ପାଇଁ ଅସୁସ୍ଥତା ପରେ ପରୀକ୍ଷା କରାଯାଇଥିଲା।ଗବେଷକମାନେ ଜାଣିବାକୁ ପାଇଲେ ଯେ ଅନେକେ ବୋଧହୁଏ ସ୍ୱାଇନ୍ ଫ୍ଲୁ ରୋଗକୁ କରୋନା ବୋଲି ଭାବି ନେଇଥିଲେ। ଡକ୍ଟର ୱଜନବର୍ଗ କହିଛନ୍ତି ଯେ ମୁଁ ଭାବୁଛି ନ୍ୟୁୟର୍କର ସମସ୍ତେ ଭାବନ୍ତି ଯେ ସେମାନେ କରୋନାରେ ପୀଡିତ ଅଛନ୍ତି ଏବଂ ସୁସ୍ଥ ହେବା ପରେ ସେମାନେ ଆଣ୍ଟିବଡି ବିକଶିତ କରିଛନ୍ତି, କିନ୍ତୁ ତାହା ଠିକ୍ ନୁହେଁ।

ସେମାନେ ପୂର୍ବରୁ କରୋନା ସଂକ୍ରମିତ ହୋଇଥିଲେ ଅବା ସ୍ୱାଇନ୍ ଫ୍ଲୁ ଥିଲା?
ଫ୍ଲୋରିଆନ୍ କ୍ରାମର କହିଛନ୍ତି ଯେ ଯେଉଁ ରୋଗୀମାନଙ୍କର ସାମାନ୍ୟ କିମ୍ବା ପ୍ରାରମ୍ଭିକ ଲକ୍ଷଣ ଥିଲା ସେମାନେ ୧୪ କିମ୍ବା ୨୮ ଦିନ ପରେ ପୁନଃ ସଂକ୍ରମିତ ହୋଇଥିଲେ । ଏଥିରୁ ଏହା ଜଣାପଡିଛି ଠିକ୍ ହୋଇଥିବା ଗୁରୁତର ସଂକ୍ରମିତ ରୋଗୀଙ୍କ ମଧ୍ୟରେ ଉତ୍ତମ ଭାବେ ଆଣ୍ଟିବଡି ବିକଶିତ ହୋଇଥାଏ। ଏହା ମୋ ଅଧ୍ୟୟନ ରିପୋର୍ଟରେ ସ୍ପଷ୍ଟ ହୋଇଅଛି ଯେ ଯେଉଁଲୋକ କିଛି ଦିନ ପରେ ପୁନର୍ବାର ସଂକ୍ରମିତ ହେଲେ।ବାସ୍ତବରେ ସେହି ଲୋକମାନେ ପ୍ରଥମେ କରୋନା ସଂକ୍ରମିତ ହୋଇନଥିଲେ। ଏପରି ରୋଗୀମାନେ ସ୍ୱାଇନ୍ ଫ୍ଲୁ କିମ୍ବା ଅନ୍ୟାନ୍ୟ ରୋଗରେ ସଂକ୍ରମିତ ହୋଇଥିଲେ, ଯେଉଁମାନେ ଭଲ ହୋଇଯାଇଥିଲା ଏବଂ ଲୋକମାନେ ଭାବିଥିଲେ ଯେ ସେମାନେ କରୋନାକୁ ଜିତିଛନ୍ତି, ସେମାନଙ୍କ ପ୍ରତିରୋଧ ପ୍ରଣାଳୀ ବିକଶିତ ହୋଇଯାଇଥିବ। ତେବେ ବର୍ତ୍ତମାନ ପ୍ରଶ୍ନ ଉଠୁଛି ଯେ ଯେଉଁମାନେ ପୁନର୍ବାର ସଂକ୍ରମିତ ହେଉଛନ୍ତି, ସେମାନେ ପୂର୍ବରୁ କରୋନା ସଂକ୍ରମିତ ହୋଇଥିଲେ ନା ସ୍ୱାଇନ୍ ଫ୍ଲୁରେ ଆକ୍ରାନ୍ତ ହୋଇଥିଲେ?ବାସ୍ତବରେ, ମାର୍ଚ୍ଚରେ, ଆମେରିକା ସମେତ ବିଶ୍ବର ଅନେକ ଦେଶରେ କରୋନା ପରୀକ୍ଷା କରିବାର ସୀମିତ ମାଧ୍ୟମ ଥିଲା। ପ୍ରାରମ୍ଭରେ ଯେଉଁମାନଙ୍କୁ ଜ୍ବର କିମ୍ବା ଥଣ୍ଡା ଥିଲା ସେମାନଙ୍କୁ ମଧ୍ୟ କରୋନା ସଂକ୍ରମିତ ଦର୍ଶା କରାଗଲା। ଏପରି ଲୋକମାନେ ପୁନର୍ବାର ସଂକ୍ରମିତ ବୋଲି କୁହାଯାଉଛି। ଯେଉଁଠାରେ ଯେଉଁମାନେ ପ୍ରକୃତରେ କରୋନା ଦ୍ବାରା ସଂକ୍ରମିତ, ସେମାନଙ୍କଠାରେ  ଗୁରୁତର, ସାମାନ୍ୟ ଏବଂ ପ୍ରାରମ୍ଭିକ ଲକ୍ଷଣ ଥିଲେ ମଧ୍ୟ ସୁସ୍ଥ ହେବା ପରେ ଆଣ୍ଟିବଡି ବିକଶିତ ହୋଇଥାଏ।

(ସୌଜନ୍ୟ :ନ୍ୟୁୟର୍କ ଟାଇମ୍ସ)  ପ୍ରସ୍ତୁତି ଏବଂ ଉପସ୍ଥାପନା- ଅମୂଲ୍ୟ କୁମାର ହୋତା