ପିପିଲି:ପିପିଲିର ଦାଣ୍ଡମୁକୁନ୍ଦପୁର ସ୍ଥିତ କଳିଙ୍ଗ ଛତୁ ଫାର୍ମରେ ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟର ୫୦ଜଣ ଛାତ୍ରଛାତ୍ରୀ ଛତୁଚାଷ ସମ୍ବନ୍ଧୀୟ ବ୍ୟବସାୟିକ ଜ୍ଞାନ ଆହରଣ ନିମନ୍ତେ ପ୍ରଶିକ୍ଷଣ ନେଇଛନ୍ତି। ୪ଦିନ ଧରି ଚାଲିଥିବା ଏହି ଶିକ୍ଷାଭିତ୍ତିକ ପ୍ରଶିକ୍ଷଣ କାର୍ଯ୍ୟକ୍ରମରେ କଳିଙ୍ଗ ଛତୁ ଫାର୍ମର ସ୍ୱତ୍ତାଧିକାରୀ ତଥା ପ୍ରଶିକ୍ଷକ ସନ୍ତୋଷ କୁମାର ମିଶ୍ର ଉପସ୍ଥିତ ରହି ଛାତ୍ରଛାତ୍ରୀଙ୍କୁ ଛତୁ କଲ୍ଚର, ମଞ୍ଜି ପ୍ରସ୍ତୁତି, ଛତୁ ଶଯ୍ୟା ପ୍ରସ୍ତୁତି, ପ୍ରକ୍ରିୟାକରଣ ସହ ଛତୁଚାଷ ସମ୍ବନ୍ଧୀୟ ଅନ୍ୟାନ୍ୟ ଜ୍ଞାନକୌଶଳ ସଂପର୍କରେ ପ୍ରଶିକ୍ଷଣ ପ୍ରଦାନ କରିଥିଲେ। ସୋଆ ବିଶ୍ୱବିଦ୍ୟାଳୟର ଅଧ୍ୟାପକ ଅଂଶୁମାନ ଜେନା ଓ ମଧୁସ୍ମିତା ପାତ୍ର ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ।
ପ୍ରତ୍ୟେକ ବର୍ଷ ବିଭିନ୍ନ ବିଶ୍ୱବିଦ୍ୟାଳୟର ଛାତ୍ରଛାତ୍ରୀମାନେ ଏଠାକୁ ଆସି ଛତୁଚାଷ ସଂପର୍କରେ ପ୍ରଶିକ୍ଷଣ ନେଉଥିବା ବେଳେ ଭବିଷ୍ୟତରେ କୃଷି ବିଭାଗରେ କାର୍ଯ୍ୟ କରିବା ସମୟରେ ଏହା ସେମାନଙ୍କୁ ବହୁମାତ୍ରାରେ ସହଯୋଗ କରିବ ବୋଲି ପ୍ରଶିକ୍ଷକ ଶ୍ରୀମିଶ୍ର ପ୍ରକାଶ କରିଛନ୍ତି।
Comments are closed.