ସାମ୍ବାଦିକଙ୍କୁ ଆକ୍ରମଣ ପ୍ରତିବାଦରେ ପିପିଲିରେ ଶୋଭାଯାତ୍ରା

ପିପିଲି : ନୟାଗଡ ଜିଲା ଯଦୁପୁରରେ ଗତକାଲି ସାମ୍ବାଦିକଙ୍କ ଉପରେ ହୋଇଥିବା ଆକ୍ରମଣ ଘଟଣାକୁ ନେଇ ରାଜ୍ୟବ୍ୟାପୀ ତ୍ରୀବ୍ର ପ୍ରତିକ୍ରୀୟା ପ୍ରକାଶ ପାଇଥିବା ବେଳେ ଏହି ଘଟଣାକୁ ପିପିଲି ଅଞ୍ଚଳର କାର୍ଯ୍ୟରତ ସାମ୍ବାଦିକମାନେ ଦୃଢ ନିନ୍ଦା କରିବା ସହ ଶୁକ୍ରବାର ସନ୍ଧ୍ୟାରେ ଏକ ପ୍ରତିବାଦ ଶୋଭାଯାତ୍ରା କରିଛନ୍ତି ।

ବରିଷ୍ଠ ସାମ୍ବାଦିକ ପୂର୍ଣ୍ଣଚନ୍ଦ୍ର ନାୟକ ଓ ରାଜକିଶୋର ସ୍ୱାଇଁଙ୍କ ନେତୃତ୍ୱରେ ସାମ୍ବାଦିକ ପ୍ରଦ୍ୟୁମ୍ନ କୁମାର ସୁବୁଦ୍ଧି, ମନୋରଞ୍ଜନ ମହାପାତ୍ର, ଦେବାଶିଷ ସିଂରାୟନ, ଅରୁଣ କୁମାର ରାଉତ, ବିଭୁତି ଭୂଷଣ ମହାପାତ୍ର, ଦୁର୍ଗାମାଧବ ପରିଡ଼ା,ବିଜୟ କୁମାର ମହାପାତ୍ର, ପ୍ରଶାନ୍ତ କୁମାର ଦୀକ୍ଷିତ, ହେମନ୍ତ ସେଠୀ, ବସନ୍ତ ଖଣ୍ଡାୟତରାୟ, ପ୍ରଶାନ୍ତ କୁମାର ଦାସ, ସଞ୍ଜୟ କୁମାର ପ୍ରଧାନ, ଚନ୍ଦନ କୁମାର ମୁଦୁଲି, ପ୍ରଭାତ ମହାପାତ୍ର, ତ୍ରିନାଥ କୁମାର ମଲ୍ଲିକ, ଜାତୀୟ ଦଳିତ ଆଦିବାସୀ ସଂଖ୍ୟାଲଘୁ ମହାସଂଘର ରାଜ୍ୟ ସଭାପତି ବିଜୟ କୁମାର ସେଠୀ, ସମାଜସେବୀ ପ୍ରବୀର ହାଲଦାର ଓ ଅନୁପ ପରିଡା ପ୍ରମୁଖ ପିପିଲି ହାଟଛକ ଠାରୁ ଏକ ଶୋଭାଯାତ୍ରାରେ ବାହାରି ମୁଖ୍ୟବଜାର ପରିକ୍ରମା କରି ଚାନ୍ଦୁଆବଜାର ପର୍ଯ୍ୟନ୍ତ ଯାଇଥିଲେ । ସେଠାରେ ଆୟୋଜିତ ଏକ ପଥପ୍ରାନ୍ତ ପ୍ରତିବାଦ ସଭାରେ ଏହି ଘଟଣାକୁ ସାମ୍ବାଦିକମାନେ ଦୃଢ ନିନ୍ଦା କରିବା ସହ ଆକ୍ରମଣକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ସହ  ଅନ୍ୟ ରାଜ୍ୟ ଭଳି ଓଡ଼ିଶାରେ ସାମ୍ବାଦିକ ସୁରକ୍ଷା ଆଇନ ଲାଗୁ କରିବାକୁ ସରକାରଙ୍କ ଠାରେ ସେମାନେ ଦାବି କରିଥିଲେ ।

Comments
Loading...