ରାମମନ୍ଦିର ଭୂମିପୂଜା ବନ୍ଦ ପାଇଁ ଆଲ୍ଲାହାବାଦ ହାଇକୋର୍ଟରେ ପିଟିଶନ

ଆଲ୍ଲାହାବାଦ: ଆସନ୍ତା ଅଗଷ୍ଟ ୫ ତାରିଖରେ ଅଯୋଧ୍ୟାରେ ରାମ ମନ୍ଦିରର ଭୂମି ପୂଜନ ହେବା ସହିତ ପ୍ରଧାନମନ୍ତ୍ରୀ ଭିତ୍ତିପ୍ରସ୍ତର ସ୍ଥାପନ କରିବାର କାର୍ଯ୍ୟକ୍ରମ ରହିଛି। କିନ୍ତୁ ଏହାକୁ ସ୍ଥଗିତ ରଖିବା ଲାଗି ଆଲ୍ଲାହାବାଦ ହାଇକୋର୍ଟରେ ଏକ ପିଟିଶନ  ଦାଖଲ ହୋଇଛି। ଭୂମି ପୂଜନ ସମୟରେ ବହୁ ଲୋକଙ୍କ ସମାଗମ ଏବଂ କରୋନା ଗାଇଡ୍‌ଲାଇନ ଉଲ୍ଲଂଘନ ହେବା ଆଶଙ୍କା ଥିବାରୁ ଏହି ଉତ୍ସବକୁ ସ୍ଥଗିତ କରିବା ଲାଗି ଦିଲ୍ଲୀର ଜଣେ ସାମ୍ବାଦିକ ସାକେତ ଗୋଖଲେ ଜନସ୍ବାର୍ଥ ମାମଲା ଦାୟର କରିଛନ୍ତି।

ପିଟିଶନରେ ଦର୍ଶାଯାଇଛି ଯେ, ଏହି ଭୂମିପୂଜନ ଉତ୍ସବରେ ବହୁ ସଂଖ୍ୟାରେ ଲୋକଙ୍କ ସମାଗମ ହେବ। ପ୍ରଧାନମନ୍ତ୍ରୀ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଏବଂ ଅନେକ ପଦାଧିକାରୀ ଏଥିରେ ସାମିଲ ହେବେ। ଏହି ଉତ୍ସବ କୋଭିଡ-୧୯ ଅନ୍‌ଲକ୍‌ ୨.୦ ଗାଇଡ୍‌ଲାଇନ ଉଲ୍ଲଂଘନ କରୁଛି। ଯଦି ହାଇକୋର୍ଟ ଏହି ପିଟିଶନକୁ ଗ୍ରହଣ କରନ୍ତି, ତେବେ ରାମ ମନ୍ଦିର ନିର୍ମାଣ ବିଳମ୍ବିତ ହୋଇପାରେ ବୋଲି କୁହାଯାଉଛି।

Comments
Loading...