ଭାଟ ହ୍ରାସ ଦାବିରେ ବିଜେପିର ବିକ୍ଷୋଭ

0

ଭୁବନେଶ୍ୱର: ରାଜ୍ୟରେ ପେଟ୍ରୋଲ୍ ଓ ଡିଜେଲ୍‌ ଉପରୁ ଭାଟ ହ୍ରାସ କରିବା ଦାବିରେ ଶୁକ୍ରବାର ବିଜେପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । କେନ୍ଦ୍ର ସରକାର ଉଭୟ ପେଟ୍ରୋଲ ଓ ଡିଜେଲରୁ ଅଢେଇ ଟଙ୍କା ଲେଖାଏଁ ଶୁଳ୍କ ହ୍ରାସ ଲାଗି ପଦକ୍ଷେପ ନେଇଥିବା ବେଳେ ରାଜ୍ୟ ସରକାରଙ୍କ ପକ୍ଷରୁ କାହିଁକି ଅନୁରୂପ ପଦକ୍ଷେପ ନିଆଯାଉ ନାହିଁ ବୋଲି ବିଜେପି ପ୍ରଶ୍ନ କରିଛି । ବିଜେପିର ବରିଷ୍ଠ ନେତା ମାଷ୍ଟରକ୍ୟାଣ୍ଟିନ ଛକରେ ଏକତ୍ର ହୋଇ ରାଜ୍ୟ ସରକାରଙ୍କ ବିରୋଧରେ ନାରାବାଜି ଦେବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ।

ସୂଚନାଯୋଗ୍ୟ, ଗତକାଲି କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ ତୈଳଦର ୨ଟଙ୍କା ୫୦ ପଇସା ହ୍ରାସ କରିବା ପରେ ତତକ୍ଷଣାତ ମହାରାଷ୍ଟ୍ର, ଗୁଜରାଟ, ଛତିଶଗଡ, ଝାଡଖଣ୍ଡ, ତ୍ରିପୁରା, ଉତ୍ତର ପ୍ରଦେଶ, ମଧ୍ୟପ୍ରଦେଶ, ହିମାଚଳ ପ୍ରଦେଶ, ହରିୟାଣା, ଉତ୍ତରାଖଣ୍ଡ, ଗୋଆ, ଅରୁଣାଚଳ ପ୍ରଦେଶ ଏବଂ ଆସାମ ସରକାର ଭାଟ ହ୍ରାସ କରିଥିଲେ। ଏହା ପରେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଏକ ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କୁ ଭାଟ ହ୍ରାସ ପାଇଁ ଅନୁରୋଧ କରିଥିଲେ ।

Comments
Loading...