ଆନ୍ଧ୍ର ମଲ୍ଟିପ୍ଲେକ୍ସରେ ଘରୋଇ ଖାଦ୍ୟକୁ ଅନୁମତି

0

ନୂଆଦିଲ୍ଲୀ: ଆନ୍ଧ୍ରପ୍ରଦେଶର ସିନେପ୍ରେମୀଙ୍କ ପାଇଁ ଖୁସି ଖବର। ଏଣିକି ଆନ୍ଧ୍ରଲୋକେ ମଲ୍ଟିପ୍ଲେକ୍ସ ଭିତରକୁ ନିଜ ଘର ତିଆରି ଖାଦ୍ୟ ନେଇ ପାରିବେ। ବିଜୟୱାଡ଼ା ଜିଲା ଖାଉଟି ବିବାଦ ଫୋରମ ଏଭଳି ଅନୁମତି ପ୍ରଦାନ କରିଛି। ବିଜୟୱାଡ଼ାର କଞ୍ଜ୍ୟୁମର ଗାଇଡେନ୍ସ ସୋସାଇଟିର ୫ଜଣ କର୍ମକର୍ତ୍ତାଙ୍କ ଦ୍ୱାରା ଦାଏର କରାଯାଇଥିବା ଏକ ମାମଲାର ବିଚାର କରି ଫୋରମ ପକ୍ଷରୁ ଏଭଳି ଅନୁମତି ପ୍ରଦାନ କରାଯାଇଛି। ଏପରିକି ପାନୀୟ ଜଳ ମାଗଣାରେ ଉପଲବ୍ଧ କରିବାକୁ ଫୋରମ ନିର୍ଦେଶ ଦେଇଥିଲା। ମଲ୍ଟିପ୍ଲେକ୍ସରେ ବଜାର ମୂଲ୍ୟଠାରୁ ଅଧିକ ମୂଲ୍ୟରେ ଖାଦ୍ୟ ପାନୀୟ ବିକ୍ରି କରାଯିବା ସମ୍ପର୍କରେ ଅଭିଯୋଗ ଆସୁଥିଲା।
ଏଥିପୂର୍ବରୁ ମହାରାଷ୍ଟ୍ରରେ ମଲ୍ଟପ୍ଲେକ୍ସରେ ସିନେପ୍ରେମୀଙ୍କୁ ଘରୋଇ ଖାଦ୍ୟ ନେବାକୁ ଅନୁମତି ମିଳିଛି। ଏଥିସହିତ ମହାରାଷ୍ଟ୍ର ସରକାର ମଲ୍ଟିପ୍ଲେକ୍ସ ବାହାରେ ଓ ଭିତରେ ବିକ୍ରି ହେଉଥିବା ସାମଗ୍ରୀ ମୂଲ୍ୟରେ କୌଣସି ବ୍ୟତିକ୍ରମ ନ ରଖିବାକୁ ନିର୍ଦେଶ ଦେଇଛନ୍ତି।
ମଲ୍ଟିପ୍ଲେକ୍ସରେ ପିଲାଙ୍କୁ ତେଲ ଜାତୀୟ ଖାଦ୍ୟ ଖାଇବାକୁ ବାଧ୍ୟ କରାଯାଉଛି ବୋଲି ବୁଧବାର ମୁମ୍ବଇ ଉଚ୍ଚ ନ୍ୟାୟାଳୟ ମନ୍ତବ୍ୟ ଦେଇଥିଲେ। ଯଦି ଲୋକେ ବିମାନରେ ଘରୋଇ ଖାଦ୍ୟ ନେଇ ପାରୁଛନ୍ତି ତେବେ ସିନେମା ଗୃହକୁ କାହିଁକି ନେଇ ପାରିବେ ନାହିଁଁ ବୋଲି ଅଦାଲତ ପାଲଟା ପ୍ରଶ୍ନ କରିଥିଲେ। ତେଣୁ ମଲ୍ଟିପ୍ଲେକ୍ସରେ ଘରୋଇ ଖାଦ୍ୟ ଉପରେ ମାଲିକମାନେ ପ୍ରତିବନ୍ଧକ ଲଗାଇ ପାରିବେନି ବୋଲି ନିର୍ଦେଶ ଦେଇଥିଲେ।

Comments
Loading...