ରାଜସ୍ଥାନରେ ନୂଆବର୍ଷ : ୭୦ କୋଟିର ମଦ ବିକ୍ରି

ଗତ ବର୍ଷ ତୁଳନାରେ ୩୦% କମ୍ 

 

ଜୟପୁର : ସାରା ଦେଶ ସହିତ ରାଜସ୍ଥାନରେ ମଧ୍ୟ କରୋନାର ପ୍ରଭାବ ଦେଖିବାକୁ ମିଳିଛି।  ଯଦିଓ ରାଜ୍ୟରେ ସଂକ୍ରମଣର ମାତ୍ରା କମ୍, ତଥାପି ମଧ୍ୟ ବିପଦ ଟଳିନାହିଁ। କରୋନା ଯୋଗୁଁ, ଗତ ବର୍ଷ ପର୍ବପର୍ବାଣୀ ଏବଂ ଉତ୍ସବ ଉପରେ  ବଡ଼ ପ୍ରଭାବ ପଡିଥିବାବେଳେ ଚଳିତ ବର୍ଷ ନୂଆବର୍ଷ ଉତ୍ସବ ମଧ୍ୟ ଫିକା ପଡିଯାଇଛି। ନୂଆ ବର୍ଷ ଅବସରରେ ସରକାର ସମସ୍ତ ହୋଟେଲ, ରେଷ୍ଟୁରାଣ୍ଟ ଏବଂ ଫାର୍ମ ହାଉସରେ ପାର୍ଟି ଉପରେ ପ୍ରତିବନ୍ଧକ ଲଗାଇଥିଲେ। କିନ୍ତୁ ଏହା ସତ୍ବେ  ୩୧ ଡିସେମ୍ବରରେ ରାଜ୍ୟରେ ଭଲ ମଦ ବିକ୍ରି ହୋଇଥିଲା।

୩୧ ଡିସେମ୍ବରର ପାର୍ଟି ଏବଂ ଉତ୍ସବ ଉପରେ ସମ୍ପୂର୍ଣ୍ଣ କଟକଣା ସତ୍ତ୍ବେ, ଏତେ ପରିମାଣରେ ମଦବିକ୍ରି ହେବା ଆଶ୍ଚର୍ଯ୍ୟଜନକ କଥା । ଯେତେବେଳେ ରାଜ୍ୟର ସମସ୍ତ ମଦ ଦୋକାନ ରାତି ୮ ଟା ପୂର୍ବରୁ ବନ୍ଦ ହୋଇଥିଲା, ତଥାପି ଏତେ ମଦ ବିକ୍ରି ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏଭଳି ପରିସ୍ଥିତିରେ ଅବକାରୀ ବିଭାଗ ମଧ୍ୟ ଆଶା କରୁ ନଥିଲା ଯେ ଏଭଳି ପରିମାଣର ମଦ ବିକ୍ରି ହେବ ଏବଂ ରାଜସ୍ୱ ମିଳିବ। ରାଜସ୍ଥାନରେ ଏଥର ୩୧ ଡିସେମ୍ବରର ଦିନ ପ୍ରାୟ ୭୦ କୋଟି ଟଙ୍କା ମୂଲ୍ୟର ମଦ ବିକ୍ରି ହୋଇଥିଲା। ଅବଶ୍ୟ, ଏହା ପୂର୍ବ ବର୍ଷ ୩୧ ଡିସେମ୍ବର ୨୦୧୯ ତୁଳନାରେ ୩୦% କମ୍।

କରୋନା ସମୟ ଏବଂ ରାତିର କର୍ଫ୍ୟୁ ଯୋଗୁଁ ଏଥର ରାଜସ୍ଥାନକୁ ଘରୋଇ ତଥା ବିଦେଶୀ ପର୍ଯ୍ୟଟକ ଆସି ନାହାଁନ୍ତି। ଯେଉଁମାନେ ଆସିଥିଲେ ସେମାନେ ମଧ୍ୟ ରାତିର କର୍ଫ୍ୟୁ କାରଣରୁ ସେମାନଙ୍କ ଯୋଜନା ବାତିଲ କରି ନିଜ ଘରକୁ ଫେରିଥିଲେ। ରାଜ୍ୟରେ ନୂଆ ବର୍ଷ ପାଳନ କରିବାକୁ ହଜାର ହଜାର ଲୋକ ଆସିଥାନ୍ତି। ପର୍ଯ୍ୟଟକଙ୍କ ଯୋଗୁଁ ହୋଟେଲ, ରେଷ୍ଟୁରାଣ୍ଟ ଏବଂ ବାରରେ ମଦ ବିକ୍ରି ସାଧାରଣ ଦିନ ତୁଳନାରେ ୩୧ ଦିନ ବୃଦ୍ଧି ପାଇଥାଏ, କିନ୍ତୁ ଏଥର ତାହା ଦେଖାଗଲା ନାହିଁ |

ତେବେ ୨୦୧୯ରେ, ୩୧ ଡିସେମ୍ବର ୨୦୧୯ରାତି ପର୍ଯ୍ୟନ୍ତ ସମଗ୍ର ରାଜ୍ୟରେ ୧୦୪ କୋଟି ଟଙ୍କାର ମଦ ବିକ୍ରି ହୋଇଥିଲା।

Comments
Loading...