ଲଣ୍ଡନ: ଏକ ସର୍ବେକ୍ଷଣରୁ ପେଙ୍ଗୁଇନମାନଙ୍କର ସବୁଠାରୁ ବଡ ନିବାସସ୍ଥଳୀରୁ ୯୦ ପ୍ରତିଶତ ପେଙ୍ଗୁଇନ୍ ଲୋପ ପାଇଥିବା କଥା ସ୍ପଷ୍ଟ ହୋଇଛି । ଗତ ୩୫ ବର୍ଷ ମଧ୍ୟରେ ଏପରି ହୋଇଥିବା ଜଣା ପଡିଛି ବୋଲି ସର୍ବେକ୍ଷଣ କରୁଥିବା ଜୀବ ବିଜ୍ଞାନୀମାନେ ମତ ଦେଇଛନ୍ତି । ଭାରତ ମହାସାଗରରେ ଥିବା ପିଗ୍ ଦ୍ୱୀପରେ ବିଶ୍ୱର ସର୍ବାଧିକ ପେଙ୍ଗୁଇନ୍ ବାସ କରୁଥିଲେ । ୧୯୮୨ ମସିହାରେ ଏହି ଦ୍ୱୀପରେ ୨୦ ଲକ୍ଷରୁ ଅଧିକ ପେଙ୍ଗୁଇନ୍ ଥିଲେ । ମାତ୍ର ଏବେ ଏହି ସଂଖ୍ୟା ପ୍ରାୟ ୨ ଲକ୍ଷରେ ପହଞ୍ଚିଛି । ଏଥିରୁ ମାତ୍ର ୬୦ ହଜାର ଯୋଡା ପେଙ୍ଗୁଇନ୍ ପ୍ରଜନନକ୍ଷମ ଅଛନ୍ତି । ବିଶ୍ୱରେ ଜଳବାୟୁ ପରିବର୍ତ୍ତନ ଯୋଗୁଁ ଏପରି ହେଉଥିବା ଜୀବ ବିଜ୍ଞାନୀମାନେ ମତ ପ୍ରକାଶ କରିଛନ୍ତି ।
ଫ୍ରାନ୍ସରେ ଥିବା ଜାତୀୟ ବିଜ୍ଞାନ ଗବେଷଣା କେନ୍ଦ୍ର ଓ ଫ୍ରାନସ୍ ପୋଲାର ସଂସ୍ଥାନ ୧୯୮୨ ମସିହାରୁ ଲଗାତାର ଏହା ଉପରେ ଗବେଷଣା କରୁଛି । କୃତ୍ରିମ ଉପଗ୍ରହ ମାଧ୍ୟମରେ ଏହା ଉପରେ ନଜର ରଖାଯାଇଛି । ୧୯୯୦ ମସିହା ପରଠାରୁ ଏଲ୍ ନିନୋ ପ୍ରଭାବରେ ପେଙ୍ଗୁଇନ୍ମାନଙ୍କର ସଂଖ୍ୟା ଦୃତ ଭାବେ ହ୍ରାସ ପାଉଥିବା ଜଣାପଡିଛି ।