ପାଟଣାରେ ଜଙ୍ଗଲ ଜମି ପଟ୍ଟା ବଣ୍ଟନ ମେଳା

ପାଟଣା : ପାଟଣା ବ୍ଲକ ସଭାଗୃହରେ ଆଜି ଜଙ୍ଗଲଜମି ପଟ୍ଟା ବଣ୍ଟନ ମେଳା ବିଡିଓ ଇଶ୍ବର ଚନ୍ଦ୍ର ନାଏକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ମଙ୍ଗଳ ସଂପ୍ରସାରଣ ଅଧିକାରୀ ଶୁଭେନ୍ଦୁ ମୋହନ ବଳଙ୍କ ସଂଯୋଜନାରେ ଅନୁଷ୍ଠିତ କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଜଗନ୍ନାଥ ନାଏକ ଯୋଗ ଦେଇ ଚେମଣା ପଞ୍ଚାୟତର ୪୭ ଜଣ, ପଲାଣଘାଟି ପଞ୍ଚାୟତର ୫୨ ଜଣ ଓ ଟାଙ୍ଗରପଡା ପଞ୍ଚାୟତ ଅଞ୍ଚଳର ୨୦୩ ଜଣ ହିତାଧିକାରୀଙ୍କୁ ଜଙ୍ଗଲଜମି ପଟ୍ଟା ବଣ୍ଟନ କରିବା ସହ ହିତାଧିକାରୀ ଜଙ୍ଗଲଜମିର ସଦୁପଯୋଗ କରିବାକୁ ପରାମର୍ଶ ଦେଇଛନ୍ତି । ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷ ବିଶ୍ବନାଥ ନାୟକ, ଉପାଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା, କେନ୍ଦେଇପଶି ପଞ୍ଚାୟତ ସମିତି ସଭ୍ୟ ମିତ୍ରଭାନୁ ମହାନ୍ତ, ପଲାଣଘାଟି ସରପଞ୍ଚ ନେତ୍ରମଣି ନାଏକ ଓ ପାଟଣା ରେଞ୍ଜର ପବିତ୍ର ମୋହନ ନାଏକ କାର୍ୟ୍ୟକ୍ରମରେ ଯୋଗଦେଇ ପଟ୍ଟା ବଣ୍ଟନରେ ବିଧାୟକଙ୍କୁ ସହଯୋଗ କରିଥିଲେ । ମୋଟ ୩୦୨ ଜଣଙ୍କୁ ଜଙ୍ଗଲଜମି ପଟ୍ଟା ବଣ୍ଟନ କରାଯାଇଥିଲା ।

Comments are closed.