ପାଟଣା: ଆଜି ଅପରାହ୍ନ ୩ଟା ୪୦ ମିନିଟ ସମୟରେ ପାଟଣା – ଡୁମୁରିଆ ରାସ୍ତାର ବଡ଼ ନୂଆଗାଁ ନିକଟରେ ଏକ ଟ୍ରାକ୍ଟର ଓଲଟି ପଡିବାରୁ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ସଙ୍କଟାପନ୍ନ ଅଛନ୍ତି। ଡୁମୁରିଆ ପଞ୍ଚାୟତରେ ଆଜି ବିପିଏଲ୍ ପରିବାରଙ୍କୁ ତିନି ମାସର ଚାଉଳ ଦିଆଯାଉଥିବା ବେଳେ କୋଠାଘର ଗ୍ରାମର ୮ ରୁ ୧୦ ଆଦିବାସୀ ପରିବାର ରମେଶ ମହାନ୍ତଙ୍କ ଟ୍ରାକ୍ଟର ଭଡାରେ ନେଇ ପଞ୍ଚାୟତକୁ ଚାଉଳ ଆଣିବାକୁ ଯାଇଥିଲେ। ଚାଉଳ ନେଇ ଟ୍ରାକ୍ଟରରେ ସେମାନେ ଗ୍ରାମକୁ ଫେରୁଥିବା ବେଳେ ଡୁମୁରିଆ – ମଙ୍ଗଳପୁର ରାସ୍ତାର ବଡ଼ ନୂଆଗାଁ ନିକଟରେ ହଠାତ୍ ଟ୍ରାକ୍ଟରଟି ଓଲଟି ପଡିଥିଲା। ଟ୍ରାକର ଡାଲାରେ ବସିଥିବା କୋଠାଘର ଗ୍ରାମର ସିଂଘୁ ମାଝୀ (୫୮)ଙ୍କର ଡଲାରେ ମୁଣ୍ତ ପିଟି ହୋଇ ରାସ୍ତାରେ ପଡିଯିବାରୁ ତାଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା। ତାଙ୍କ ପତ୍ନୀ ହାରା ମାଝୀ (୫୪)ଙ୍କ ଅବସ୍ଥା ସଙ୍କଟାପନ୍ନ ରହିଛି। ସ୍ଥାନୀୟ ଲୋକେ ତାଙ୍କୁ ଡାକ୍ତରଖାନା ପଠାଇଛନ୍ତି। ଖବର ପାଇ ଘଟଗାଁ ଆରକ୍ଷୀ ଦୁର୍ଘଟଣା ସ୍ଥଳରେ ପହଞ୍ଚି ମୃତକଙ୍କ ଶବକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପାଟଣା ପଠାଇଛନ୍ତି।
Comments are closed.