ପାଟଣା: ପାଟଣା ବ୍ଲକ ଅନ୍ତର୍ଗତ କେନ୍ଦେଇପଶି ଛକରେ ଥିବା ଷ୍ଟ୍ରିଟ ଲାଇଟ ଖୁଣ୍ଟରେ ଆଜି ପୂର୍ବାହ୍ନରେ ଦୁଇ ଛେଳି ଚୋରଙ୍କୁ ବାନ୍ଧି ଲୋକେ ନିର୍ଦ୍ଧୁମ ଛେଚିଛନ୍ତି। ଖବର ପାଇବା ପରେ ତୁରୁମୁଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚିବା ପରେ ଏହି ଦୁଇ ଛେଳି ଚୋରଙ୍କ ସହ ଅନ୍ୟ ଜଣେ ସାଥିଙ୍କୁ ମିଶାଇ ମୋଟ ୩ ଜଣଙ୍କୁ ପୁଲିସ ଜିମା ଦିଆଯାଇଛି। ଆଖପାଖ ଗ୍ରାମରୁ କ୍ରମାଗତ ଭାବେ ଛେଳି, ମେଣ୍ଢା, ସାଇକେଲ ଆଦିଚୋରୀ ହେଉଥିବା ବେଳେ ଗତକାଲି ରାତି କେନ୍ଦେଇପଶି ନିର୍ମାଣଧୀନ ଆଦର୍ଶ ବିଦ୍ୟାଳୟ ପଛପଟୁ ୫ ଜଣ ଚୋର ଛେଳି ଚୋରୀ ପାଇଁ ମସୁଧା ଚଳାଇଥିବା ସୂଚନା ପାଇ ଜଗି ରହିଥିବା ଲୋକେ ସେଠାରେ ଚଢ଼ାଉ କରି ୨ଜଣଙ୍କୁ ଧରିବାରେ ସକ୍ଷମ ହୋଇଥିବା ବେଳେ ଅନ୍ୟ ୩ ଜଣ ଅନ୍ଧାରର ସୁଯୋଗ ନେଇ ଫେରାର ହୋଇଯାଇଛନ୍ତି । ସେହି ୨ଜଣ ଛେଳି ଚୋରଙ୍କୁ ଷ୍ଟ୍ରିଟ୍ ଲାଇଟ୍ରେ ବାନ୍ଧି ପୁଲିସକୁ ଖବର ଦେଇଥିଲେ। ଏନେଇ ତୁରୁମୁଙ୍ଗା ଥାନାରେ କାଶିପୁର ଗ୍ରାମର ଚନ୍ଦ୍ରକାନ୍ତା ନାଏକ ଲିଖିତ ଅଭିଯୋଗ କରିଛନ୍ତି। ଗତମାସ ୨୬ ତାରିଖ ରେ ଉପରୋକ୍ତ ତିନି ଜଣ ଚୋର ତାଙ୍କର ୨ଟି ମେଣ୍ଢା ଚୋରାଇ ନେଇଥିବା ଅଭିଯୋଗ କରିବା ପରେ ତୁରୁମୁଙ୍ଗ ପୁଲିସ ଏହି ୨ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି।
Comments are closed.