ପାଟନା : ବିହାରର ରାଜଧାନୀ ପାଟନା ପୋଶ ବଜାରରେ ଥିବା ହଥୁଆ ମାର୍କେଟରେ ଗୁରୁବାର ସକାଳେ ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ପ୍ରାୟ ଅନେକ ଦୋକାନ ଜଳି ପୋଡି ପାଉଁଶ ହୋଇ ଯାଇଛି। ଖବର ପାଇବା ମାତ୍ରେ ଅଗ୍ନିଶମ କର୍ମଚାରୀ ପହଞ୍ଚି ଘଣ୍ଟା ଘଣ୍ଟା ପରିଶ୍ରମ ପରେ ନିଆଁକୁ କାବୁ କରିଥିଲେ। ବଜ୍ରପାତ କାରଣରୁ ପ୍ରଥମେ ଏକ ମଟରସାଇକେଲରେ ନିଆଁ ଲାଗିବା ପରେ ଏହି ନିଆଁ ଦୋକାନକୁ ବ୍ୟାପି ଯାଇଥିଲା। ଏହି ଅଗ୍ନିକାଣ୍ଡରେ ପ୍ରାୟ କୋଟି କୋଟି ଟଙ୍କାର କ୍ଷୟକ୍ଷତି ହୋଇଛି ବୋଲି ସୂଚନା ମିଳିଛି।
ଆଜି ସକାଳେ ପାଟନାର ହଥୁଆ ମାର୍କେଟ ଥିବା ଦୋକାନରେ ନିଆଁ ଲାଗିବା ପରେ ଏହି ନିଆଁ ଧିରେ ଧିରେ ବ୍ୟାପିଥିଲା। ସ୍ଥାନୀୟ ଲୋକେ ଘଟଣା ବିଷୟରେ ଅଗ୍ନିଶମ କର୍ମଚାରୀକୁ ଖବର ଦେଇଥିଲେ।
ସ୍ଥାନୀୟ ଲୋକଙ୍କ କହିବାନୁଯାୟୀ, ଉକ୍ତ ଅଞ୍ଚଳରେ ପାଗ ଖରାପ ଥିବା ସହ ବଜ୍ରପାତ ଘଟିଛି। ବଜ୍ରପାତ କାରଣରୁ ପ୍ରଥମେ ମଟରସାଇକେଲରେ ନିଆଁ ଲାଗିବା ସହ ପରେ ଏହି ନିଆଁ ଦୋକାନକୁ ବ୍ୟାପିଥିଲା।
Comments are closed.