ପାଟଣା: ପାଟଣା ମୁଖ୍ୟାଳୟ ସ୍ଥିତ ସ୍ବାମପାଟଣା ସରସ୍ୱତୀ ଶିଶୁ ବିଦ୍ୟାମନ୍ଦିରର ତୃତୀୟ ଶ୍ରେଣୀର ମେଧାବୀ ଛାତ୍ର ଦେବାଶିଷ ଦାଶ ଓ ମେଧାବୀ ଛାତ୍ରୀ ସୁଶ୍ରୀ ବିଷ୍ଣୁପ୍ରିୟା ମହାନ୍ତଙ୍କୁ ଆଜି ବିଦ୍ୟାମନ୍ଦିର ପରିସରରେ ସମ୍ବର୍ଦ୍ଧନା ପ୍ରଦାନ କରାଯାଇଛି। ସୂଚନା ଯୋଗ୍ୟ ଯେ ଛାତ୍ର ଦେବାଶିଷ ଦାଶ ଶିକ୍ଷା ବିକାଶ ସମିତି ପରିଚାଳିତ ଭାରତୀ କୃଷ୍ଣ ଗଣିତ ପ୍ରତିଭା ପରୀକ୍ଷାରେ ସମଗ୍ର ରାଜ୍ୟରେ ପ୍ରଥମ ହୋଇ ସ୍ୱାମପାଟଣାର ସୁନାମ ବୃଦ୍ଧି କରିଥିବା ବେଳେ ତୃତୀୟ ଶ୍ରେଣୀ ପ୍ରାଦେଶିକ ମେଧାବୃତ୍ତି ପରୀକ୍ଷାରେ ସୁଶ୍ରୀ ବିଷ୍ଣୁପ୍ରିୟା ମହାନ୍ତ ସମଗ୍ର ରାଜ୍ୟରେ ଅଷ୍ଟମ ସ୍ଥାନରେ ରହି ଏହି ବିଦ୍ୟା ମନ୍ଦିରର ସୁନାମ ବଢ଼ାଇ ଥିବାରୁ ଆଜି ଉଭୟଙ୍କୁ ସମ୍ବର୍ଦ୍ଧନା ଦିଆଯାଇଥିଲା। ପ୍ରଧାନ ଆଚାର୍ଯ୍ୟ ସତ୍ୟଜିତ ପ୍ରଧାନଙ୍କ ସଂଯୋଜନାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷାଅଧିକାରୀ ସଚ୍ଚିଦାନନ୍ଦ ସେଠୀ ଓ ମୁଖ୍ୟ ବକ୍ତା ଭାବେ ସଂକୁଳ ପ୍ରମୁଖ ରଜତ କୁମାର ଦାଶ ପ୍ରମୁଖ ଉପସ୍ଥିତ ଥିଲେ। ସମିତି ସଭାପତି ଅରବିନ୍ଦ ଦାଶ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ।
Comments are closed.