ପାଟଣାରେ ବ୍ଲକ ସ୍ତରୀୟ ସମନ୍ୱୟ ମେଳା

ପାଟଣା: ମହିଳାମାନେ ସଶକ୍ତ ହେଲେ, ମହିଳାମାନେ ସ୍ୱାବଲମ୍ବୀ ହେଲେ ରାଜ୍ୟ ଅଧିକ ସମୃଦ୍ଧି ହେବ ବୋଲି ପାଟଣା ବିଧାୟକ ଜଗନ୍ନାଥ ନାଏକ ମତ ରଖିଛନ୍ତି। ବୁଧବାର ପାଟଣା ବ୍ଲକ ସଭାଗୃହରେ ଅନୁଷ୍ଠିତ ବ୍ଲକ ସ୍ତରୀୟ ସମନ୍ୱୟ ମେଳାରେ ମୁଖ୍ୟ ଅତିଥି ଭାବେ ଯୋଗଦେଇ ବିଧାୟକ ଶ୍ରୀ ନାଏକ ଏହି ମତ ରଖିବା ସହ ଉପସ୍ଥିତ ସ୍ୱୟଂ ସହାୟିକା ଗୋଷ୍ଠୀର ସଭାନେତ୍ରୀ ଓ ସମ୍ପାଦିକାମାନଙ୍କୁ ବ୍ୟାଙ୍କମାନଙ୍କ ଦ୍ୱାରା ପ୍ରଦତ୍ତ ଋଣ ମଂଜୁରୀ ପତ୍ର ବଣ୍ଟନ କରିଥିଲେ। ମିଶନଶକ୍ତି ପକ୍ଷରୁ ଓଡିଶା ଜୀବିକା ମିଶନ ବ୍ଲକ ପ୍ରକଳ୍ପ ପରିଚାଳକ ମନୋରଂଜନ ମହାପାତ୍ରଙ୍କ ସଂଯୋଜନାରେ ଅନୁଷ୍ଠିତ ସମନ୍ୱୟ ମେଳାରେ ମୁଖ୍ୟ ଅତିଥି ଭାବେ ବିଧାୟକ ଜଗନ୍ନାଥ ନାଏକ, ସମ୍ମାନୀତ ଅତିଥି ଭାବେ ବ୍ଲକ ଅଧ୍ୟକ୍ଷ ବିଶ୍ୱନାଥ ନାଏକ, ସିଡିପିଓ ବିଜୟଲକ୍ଷ୍ମୀ ମାରାଣ୍ଡି, ବ୍ୟାଙ୍କ ଅଫ ଇଣ୍ଡିଆ ତୁରୁମୁଙ୍ଗା ଶାଖା ପରିଚାଳକ ବନମାଳୀ ରଣା, ସ୍ୱାମପାଟଣା ଶାଖା ପରିଚାଳକ ସୁବାଶିଷ ବେହେରା, ଚିଲିଦା ଶାଖା ପରିଚାଳକ ସୁବ୍ରତ କୁମାର ବାରିକ ପ୍ରମୁଖ କାର୍ଯ୍ୟକ୍ରମରେ ସାମିଲ ହୋଇ ସ୍ୱୟଂ ସହାୟିକା ଗୋଷ୍ଠୀଗୁଡିକୁ ଋଣ ଅର୍ଥରେ ଉତ୍ପାଦନକାରୀ ପ୍ରକଳ୍ପ କରି ଲାଭବାନ ହେବାକୁ ପରାମର୍ଶ ଦେଇଥିଲେ।

କାର୍ଯ୍ୟକ୍ରମରେ ଓଡିଶା ଗ୍ରାମ୍ୟ ବ୍ୟାଙ୍କ କେନ୍ଦେଇପଶି ପକ୍ଷରୁ ୩୦, ଚିଲିଦା ଶାଖା ପକ୍ଷରୁ ୪, ୟୁନିୟନ ବ୍ୟାଙ୍କ ଡୁମୁରିଆ ଶାଖା ପକ୍ଷରୁ ୮, ବ୍ୟାଙ୍କ ଅଫ ଇଣ୍ଡିଆ ତୁରୁମୁଙ୍ଗା ଶାଖା ପକ୍ଷରୁ ୧୭, ସ୍ୱାମପାଟଣା ଶାଖା ପକ୍ଷରୁ ୧୩ ଓ ଚିଲଦା ଶାଖା ପକ୍ଷରୁ ୮ଟି ସ୍ୱୟଂ ସହାୟିକା ଗୋଷ୍ଠୀଙ୍କୁ ମିଶାଇ ମୋଟ ୮୦ଟି ଏସଏଚଜିକୁ ୧ କୋଟି ୭୮ ଲକ୍ଷ ୮୦ ହଜାର ଟଙ୍କାର ଋଣ ମଂଜୁରୀ ପତ୍ର ମୁଖ୍ୟ ଅତିଥି ଓ ଅତିଥି ଗଣ ପ୍ରଦାନ କରିଥିଲେ। ଓଡିଶା ଜୀବିକା ମିଶନ ପକ୍ଷରୁ ରାଜୁ ମହାନ୍ତ, ଲେମ୍ବୁଧର ନାଏକଙ୍କ ସହ ୯ ଜଣ ବ୍ୟାଙ୍କ ମିତ୍ର, ୧୦ ଜଣ ଏମ.ବି.କେ, ୨ ଶହ ଏସଏଚଜି ସଦସ୍ୟା କାର୍ଯ୍ୟକ୍ରମରେ ସାମିଲ ଥିଲେ। ବିପିସି ରାଜେଶ କିଣ୍ଡୋ ଧନ୍ୟବାଦ ଅର୍ପଣ କରିଥିଲେ।

Comments are closed.