ପାର୍ସଲରେ ବୋମା, ଖୋଲିଲା ବେଳେ ଜାଣି ଦେବାରୁ ବଞ୍ଚିଗଲେ ପ୍ରିନସ୍‌ପାଲ !

0

ରାଜକୋଟ .- ଗୁଜୁରାଟର ରାଜକୋଟ  ଜିଲ୍ଲାର ଏକ ବିଦ୍ୟାଳର ଅଧ୍ୟକ୍ଷଙ୍କୁ ପାର୍ସଲ ଯୋଗେ କେହି ଜଣେ ବୋମା ପଠାଇଥିବା ଅଭିଯୋଗ ହୋଇଛି ।ଉପ୍ଲେତା ସହରରେ ଥିବା  ଶ୍ରୀକ୍ରିଷ୍ଣା ବିଦ୍ୟାଳୟର ଅଧ୍ୟକ୍ଷ ବିଠଲ୍‌ ଦାବୋରିଆଙ୍କୁ  ଏହି ପାର୍ସଲ ବୋମା ପଠାଯାଇଥିବା ଅଭିଯୋଗ ହୋଇଛି ।  ଏକ କୋରିଅର ଯୋଗେ ଏହା ପାର୍ସଲ ବୋମା ଆସିଥିଲା ।

ଏହି ପାର୍ସଲ ବୋମା ଖୋଲିବା ପରେ ବିଠଲ୍‌ ଦାବୋରିଆ ପୁଲିସରେ ଅଭିଯୋଗ କରିଥିଲେ । ପୁଲିସ ଏକମାମଲା ରୁଜୁ କରି ଏହାର ତଦନ୍ତ ଆରମ୍ଭ କରିଛି ।  ବୁଧବାରେ ବୋମା  ନିଷ୍କ୍ରିୟକାରୀ ଦଳ ଏହି ବୋମାକୁ ନିଷ୍କ୍ରିୟ କରି ଦେଇଥିଲେ ।  ପାର୍ସଲ ବୋମା ଦେଇଥିବା ଲୋକ ଜଣଙ୍କ କୋରିଅର ବୟ ନୁହେଁ , କୋରିଅରରେ ପାର୍ସଲ ଆସିବା ପରେ  ସେ ଦସ୍ତଖତ ନ ନେବା  ସହ ତୁରନ୍ତ ଏହାକୁ ଦେଇ ସେହି ସ୍ଥାନ ଛାଡି ପଳାଇଥିବା ବିଠଲ୍‌ ଦାବୋରିଆ କହିଛନ୍ତି ।  ପାର୍ସଲ ବୋମା ଉପରେ ଏହାକୁ ପ୍ରେରଣ କରିଥିବା ଲୋକ ଏକ ସନ୍ଦେଶ ଲେଖିଛନ୍ତି । ସେ ସେହି ବିଦ୍ୟାଳର ପୂର୍ବତନ ଛାତ୍ର ଓ ତାଙ୍କୁ ପାଠ ପଢାଇଥିବାରୁ ଧନ୍ୟବାଦ ବୋଲି ଲେଖିଛନ୍ତି । ଅକ୍ଟୋବର ୧୪  ତାରିଖରେ ଏହି ପାର୍ସଲକୁ ଖୋଲିବା ପାଇଁ ଲେଖା ହୋଇଥିଲା । ତେବେ ଦାବୋରିଆ ଏହାକୁ ଖୋଲିବା ବେଳେ କିଛି ତାର ଓ ସନ୍ଦେହ ଜନକ ଜିନିଷ ବାହାରିଥିଲା । ସେ ଭୟରେ  ପାର୍ସଲ ଆଉ ନ ଖୋଲି ପୁଲିସକୁ ସୂଚନା ଦେଇଥିଲେ । ସୌଭାଗ୍ୟବଶତଃ ପାର୍ସଲଟି ଖୋଲିବାବେଳେ ଏଥିରେ ବିସ୍ଫୋରଣ ହୋଇ ନଥିଲା ।

ଏଥିରେ ସୁଡଙ୍ଗ ଖୋଳିବା ପାଇଁ ବ୍ୟବହାର କରାଯାଉଥିବା ବିସ୍ଫୋରକ ରଖାଯାଇଥିଲା ବୋଲି ସାଇଣ୍ଟିପିକ୍‌ ଟିମ୍‌ର ତଦନ୍ତ ପରେ ଜଣା ପଡିଛି ।  ଏଥିରେ ବିସ୍ଫୋରଣ  ହୋଇଥିଲେ ବିଠଲ୍‌ ଦାବୋରିଆଙ୍କ ଘରସମ୍ପୂର୍ଣ୍ଣ ଭୂଶୁଡି ପଡି ଥାଆନ୍ତା ବୋଲି  ଆଶଙ୍କା କରାଯାଉଛି ।ପୁଲିସ ୪ଟି ଦଳ ଗଠନ କରି ଏହାର ତଦନ୍ତ ଆରମ୍ଭ କରିଛି ।

Comments
Loading...