ଉତ୍ତର ପ୍ରଦେଶ ମଦମୃତ୍ୟୁ ଘଟଣାର ଅନ୍ୟତମ ମୁଖ୍ୟ ଅଭିଯୁକ୍ତ ଗୁଳି ବିନିମୟ ପରେ ଗିରଫ

ଲକ୍ଷ୍ମୌ .- ଉତ୍ତର ପ୍ରଦେଶ ବିଷାକ୍ତ ମଦ ପିଇ ଅନେକ ଲୋକ ମୃତ୍ୟୁ ବରଣ କରିଛନ୍ତି । ମୃତ୍ୟୁ ସଂଖ୍ୟା ୨୦ରେ ପହଞ୍ଚିଛି । ଉତ୍ତରପ୍ରଦେଶର ବାରବାଙ୍କିରେ ଏହି ଘଟଣା ଘଟିଛି । ବିଷାକ୍ତ ମଦ ବିକ୍ରି କରାଯାଉଥିବା ଦୋକାନର ବିକ୍ରେତା ଏହାର ମୁଖ୍ୟ ଅଭିଯୁକ୍ତ ବୋଲି ପୁଲିସ ସୂଚନା ଦେଇଛି । ପପୁ ଜୟସ୍ୱାଲନାମକ ବ୍ୟକ୍ତି ଏହି ଘଟଣାର ଅନ୍ୟତମ ମୁଖ୍ୟ ଅଭିଯୁକ୍ତି । ପର୍ବରୁ ଏହି ଘଟଣା ସହ ସମ୍ପୃକ୍ତ ତିନିଜଣଙ୍କୁ ଗୁଳି ବିନିମୟ ପରେ ପୁଲିସ ପପୁକୁ ଗିରଫ କରିଛି । ପପୁ ଡାହାଣ ଗୋଡରେ ଗୁଳି ବାଜିଛି ।
ପପୁକୁ ଗିରଫ କରିବାକୁ ଯାଇଥିବା ବେଳେ ସେ ପୁଲିସ ଉପରକୁ ସେ ଗୁଳି ଚଳାଇଥିବା ଅଭିଯୋଗ ହୋଇଛି । ଏହାପରେ ପୁଲିସ ଆତ୍ମରକ୍ଷା ପାଇଁ ପପୁକୁ ଗୁଳି କରିଥିଲା । ପପୁର ଡାହାଣ ଗୋଡରେ ଗୁଳି ବାଜିଛି । ତାକୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ବିଷାକ୍ତ ମଦ ପିଇ ୨୦ରୁ ଅଧିକ ବ୍ୟକ୍ତିଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ବାରାବାଙ୍କୀ ଜିଲାର ରାମନଗର ଅନ୍ତର୍ଗତ ରାଣୀଗଞ୍ଜରେ ଥିବା ଏକ ସରକାରୀ ଦେଶୀମଦ ଦୋକାନରୁ କେତେକ ଲୋକ ଦେଶୀମଦ କିଣି ପିଇଥିଲେ। ମଦ ପିଇବା ପରେ ପ୍ରଥମେ ୧୦ ଜଣଙ୍କ ମୃତ୍ୟୁ ଘଟିଥିଲା। ୩୦ରୁ ଅଧିକ ଲୋକ ଅସୁସ୍ଥ ହୋଇ ଚିକିତ୍ସିତ ହେଉଥିଲେ। ସେମାନଙ୍କ ଅବସ୍ଥା ଗୁରୁତର ରହିଥିଲା। ଅସୁସ୍ଥଙ୍କ ମଧ୍ୟରୁ ୧୦ ଜଣଙ୍କର ମୃତ୍ୟୁ ଘଟିଛି। ଏହି ଘଟଣା ପରେ ଜିଲା ଅବକାରୀ ଅଧିକାରୀ, ଅବକାରୀ ନିରୀକ୍ଷକଙ୍କ ସମେତ ୧୫ ଜଣଙ୍କୁ ନିଲମ୍ବନ କରାଯାଇଛି। ଅନ୍ୟ ଅଭିଯୁକ୍ତମାନଙ୍କୁ ଗିରଫ କରିବା ଲାଗି ଏକ ଟିମ୍‌ ଗଠନ ହୋଇଛି। ମୁଖ୍ୟ ଅଭିଯୁକ୍ତ ଦାନବୀର ସିଂହ ଫେରାର ଥିବାରୁ ପୁଲିସ ତାଙ୍କ ନାମରେ ୨୦ ହଜାର ଟଙ୍କା ପୁରସ୍କାର ରାଶି ଘୋଷଣା କରିଛି।

Comments
Loading...