ଭାରତୀୟ ଦିନିକିଆ ଦଳକୁ ଫେରିବେ ହାର୍ଦିକ
ନୂଆଦିଲ୍ଲୀ : ଭ୍ରମଣକାରୀ ଦକ୍ଷିଣ ଆଫ୍ରିକା ଓ ଘରୋଇ ଭାରତୀୟ କ୍ରିକେଟ୍ ଦଳ ମଧ୍ୟରେ ଖେଳାଯିବାକୁ ଥିବା ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ନିମନ୍ତେ ଭାରତୀୟ ଦଳକୁ ତାରକା ଅଲରାଉଣ୍ଡର ହାର୍ଦିକ ପାଣ୍ଡ୍ୟା ଫେରିବେ ବୋଲି ବିଶ୍ବସ୍ତ ସୂତ୍ରରୁ ଜଣାପଡ଼ିଛି।
ସୂଚନାଥାଉକି ମେରୁଦଣ୍ଡରେ ଅସ୍ତ୍ରୋପଚାର ପାଇଁ ବେଶ୍ କିଛିଦିନ କ୍ରିକେଟ୍ରୁ ଦୂରେଇ ରହିଥିଲେ ହାର୍ଦିକ। ତେବେ ବର୍ତ୍ତମାନ ସେ ସଂପୂର୍ଣ୍ଣ ସୁସ୍ଥ ହୋଇ ଘରୋଇ ଡିୱାଇ ପାଟିଲ୍ ଟି୨୦ କ୍ରିକେଟ୍ ଟୁର୍ଣ୍ଣାମେଣ୍ଟରେ ବେଶ୍ ଭଲ ପ୍ରଦର୍ଶନ କରିଛନ୍ତି। ତେଣୁ ଦକ୍ଷିଣ ଆଫ୍ରିକା ବିପକ୍ଷ ସିରିଜ୍ ନିମନ୍ତେ ତାଙ୍କୁ ଭାରତୀୟ ଦଳରେ ସାମିଲ କରାଯାଇପାରେ ବୋଲି ଆଲୋଚନା ହେଉଛି।
ଅେସ୍ତ୍ରାପଚାର ପରେ ହାର୍ଦିକ ଆଇପିଏଲ୍ ଦଳ ଦିଲ୍ଲୀ କ୍ୟାପିଟାଲ୍ସ ଟ୍ରେନର ରଜନୀକାନ୍ତଙ୍କ ନିକଟରେ ଶାରୀରିକ ଅଭ୍ୟାସ କରିଥିଲେ। ତେବେ ତାଙ୍କୁ ଜାତୀୟ କ୍ରିକେଟ୍ ଏକାଡେମୀ (ଏନ୍ସିଏ)ରେ ନିଜ ଫିଟନେସ୍ ପ୍ରମାଣ ଦେବାକୁ ପଡ଼ିବ ବୋଲି ବିସିସିଆଇ ସଭାପତି ସୌରଭ ଗାଙ୍ଗୁଲି ମତ ଦେବା ପରେ ସେ ଏନ୍ସିଏରେ ଯାଇ ନିଜ ଫିଟନେସ୍ ପ୍ରମାଣ ଦେଇଥିଲେ।
Comments are closed.