ପଣ୍ଡିତ ଗୋବିନ୍ଦ ରଥଙ୍କ ୧୭୨ତମ ଜୟନ୍ତୀ ପାଳିତ

ବାଙ୍କୀ : ଗୁରୁବାର ବିପ୍ଲବୀ କବି ତଥା ସମାଜ ସଂସ୍କାରକ ପଣ୍ଡିତ ଗୋବିନ୍ଦ ରଥଙ୍କ ୧୭୨ତମ ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ଗୋବିନ୍ଦ ରଥ ଫାଉଣ୍ଡେସନ ବାଙ୍କୀ ଶାଖା ଓ ସମ୍ବାଦ ସାହିତ୍ୟ ଘରର ମିଳିତ ସହଯୋଗରେ ସଂକ୍ଷିପ୍ତ ଭାବରେ ବାଙ୍କୀ ଉପଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଥିବା ଗୋବିନ୍ଦ ରଥଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରାଯାଇ ସ୍ମୃତିଚାରଣ ଓ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ଗୋବିନ୍ଦ ରଥ ଫାଉଣ୍ଡେସନର ବାଙ୍କୀ ଶାଖା ସଦସ୍ୟ ବିଦ୍ୟାଧର ଖଟୁଆଙ୍କ ଆବାହକତ୍ୱରେ ସଞ୍ଚାଳିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସମାଜସେବୀ କେଶବ ଚନ୍ଦ୍ର ବେହେରା ଯୋଗଦେଇ ପଣ୍ଡିତଙ୍କ ସ୍ମୃତି ଚାରଣ କରିବା ସହିତ ବାଙ୍କୀ ମାଟିର ଗର୍ବ ଓ ଗୌରବକୁ ଓଡିଶା ଭୂଖଣ୍ଡରେ ପରିଚିତ କରିବାରେ ଗୋବିନ୍ଦ ରଥଙ୍କର ଅବଦାନ ଓ ଜାତୀୟତା ବୋଧ ପାଇଁ ବାଙ୍କୀ ଗର୍ବିତ ବୋଲି ପ୍ରକାଶ କରିଥିଲେ। କବି ପ୍ରକୃତିବନ୍ଧୁ ରମାକାନ୍ତ ଭଞ୍ଜ,ଅକ୍ଷୟ କୁମାର ଭଟ୍ଟ,ଅକ୍ଷୟ କୁମାର ସାମଲ,ଗୌରାଙ୍ଗ ବେହେରା,ଲଲାଟେନ୍ଦୁ ପଣ୍ଡା,କଂଗ୍ରେସ ରଣା,ଚିତ୍ତରଞ୍ଜନ ମହାପାତ୍ର,ପ୍ରଦୀପ କୁମାର ଜେନା ପ୍ରମୁଖ ଯୋଗଦେଇ ଗୋବିନ୍ଦ ରଥଙ୍କର ସ୍ମୃତିଚାରଣ କରିଥିଲେ।

Comments
Loading...