କରୋନାରେ ଆକ୍ରାନ୍ତ ହୋଇ ପୁରୀ ଆଇଡ଼ିଏଚ କୋଭିଡ ଡାକ୍ତରଖାନାରେ ଚିକିତ୍ସିତ ହେଉଥିଲେ
ସମସ୍ତଙ୍କ ଅତି ପରିଚିତ ଲୋକପ୍ରିୟ ପ୍ରବଚକ ଚାରଣ ରାମ ଦାସଙ୍କ କଣ୍ଠସ୍ୱର ଆଉ ଶୁଣିବାକୁ ମିଳିବ ନାହିଁ। କରୋନାରେ ଆକ୍ରାନ୍ତ ହୋଇ ପୁରୀ ଆଇଡ଼ିଏଚ କୋଭିଡ ଡାକ୍ତରଖାନାରେ ଚିକିତ୍ସିତ ହେଉଥିବା ସମୟରେ ସୋମବାର ବିଳମ୍ବିତ ରାତିରେ ତାଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୧ ବର୍ଷ ବୟସ ହୋଇଥିଲା। ପ୍ରବଚକ ଚାରଣ ରାମ ଦାସଙ୍କ ଜଗନ୍ନାଥ ସଂସ୍କୃତି ସମେତ ଧର୍ମ ଓ ପୁରାଣ ଶାସ୍ତ୍ର ଉପରେ ପ୍ରଗାଢ ଜ୍ଞାନ ଥିଲା ଓ ସେ ଅତ୍ୟନ୍ତ ସାବଲୀଳ ଭାବରେ ତାହା ଉପସ୍ଥାପନ କରି ଓଡ଼ିଶାର କୋଣ ଅନୁକୋଣରେ ଲୋକପ୍ରିୟ ହୋଇପାରିଥିଲେ।
ପୁରୀ ରଥଯାତ୍ରାର ସିଧାପ୍ରସାରଣରେ ଧାରାବିବରଣୀ ପ୍ରଦାନ ବ୍ୟତୀତ ତାଙ୍କ କଣ୍ଠ ନିସୃତ ଗୀତା ମହିମା, ରାମାୟଣ, ଶିବ ମହିମା, ମା ତାରିଣୀ କଥାମୃତ, ଶ୍ରୀମଦ୍ଭଗବତ ଗୀତା, ଏ ତ କଳିକାଳ ଏବଂ ତ୍ରିନାଥ ମେଳା ଅତ୍ୟନ୍ତ ଲୋକପ୍ରିୟ ଅଟେ। ମହାପ୍ରଭୁ ଜଗନ୍ନାଥଙ୍କ ଉପରେ ସେ ଦେଇଥିବା ଅସଂଖ୍ୟ ପ୍ରବଚନ ଏବେ ମଧ୍ୟ ଘରେ ଘରେ ଲୋକମାନେ ଶୁଣିଥାନ୍ତି ଯେଉଁଠି ପାଇଁ ସେ ଚାରଣ ରାମଦାସ ନାମରେ ପରିଚିତ ଥିଲେ।
Comments are closed.